काठमाडौंको चन्द्रागिरि नगरपालिकाले २ अर्ब ४४ करोड २३ लाख ६४ हजार ३६२ बराबरको बजेट प्रस्तुत गरेको छ ।

चन्द्रागिरि नगरपालिकाको बिहीवार सम्पन्न सातौं नगरसभामा नगरपालिकाका उपप्रमुख लिशा नकर्मीले आर्थिक वर्ष २०७८/०७९ का लागि नीति, कार्यक्रम तथा बजेट नगर सभामा पेश गरिन् ।

चन्द्रागिरीले आव २०७८/०७९ मा अनुमानित बैंक मौज्दात र नगरपालिकाको राजस्वबाट १ अर्ब ४८ करोड ८५ लाख र संघीय सरकार वित्तीय हस्तान्तरणबाट ६८ करोड ३१ लाख २६ हजार, प्रदेश सरकारबाट ९ करोड ७ लाख ८ हजार र सामाजिक सुरक्षा भत्ताबापत १८ करोड गरी जम्मा २ अर्ब ४४ करोड २३ लाख ६४ हजार ३६२ आय हुने जनाएको छ ।

व्ययको चालूतर्फ ६५ करोड ६० लाख ७१ हजार, पुँजीगततर्फ १ अर्ब १८ करोड ८५ लाख ७० हजार, नेपाल सरकारको तर्फबाट सशर्त अनुदान ३४ करोड ७९ लाख, प्रदेश सरकारको सशर्त अनुदान ६ करोड ९८ लाख २३ हजार र सामाजिक सुरक्षातर्फ १८ करोड गरी जम्मा २ अर्ब ४४ करोड २३ लाख ६४ हजार ३६२ रुपैयाँ खर्च हुने जनाएको छ ।