शुक्रवार बिहान मुलुकका केही स्थानहरूमा भारी वर्षा भइरहेको छ । 

मौसम विभाग अन्तर्गतको बाढी पूर्वानुमान महाशाखाले शुक्रवार बिहान एक सूचना जारी गर्दै केही स्थानमा भारी वर्षा भइरहेको जनाएको हो ।

महाशाखाका अनुसार, पछिल्लो ३ घण्टामा नवलपुर स्थित आरूण बतासा वर्षामापन केन्द्रमा भारी वर्षामापन भएको छ ।

आरूणखोला लगायतका स-साना नदीहरूमा आकस्मिक बाढी आउन सक्ने पूर्वानुमान गरिएको महाशाखाले जनाएको छ । 

महाशाखाले सो तटीय क्षेत्रमा दिउँसो सम्म सतर्कता अपनाउन आग्रह गरेको छ । 

यस्तै शुक्रवार कन्काई,कोशी,कमला,बागमती जलाधारका केहि स-साना सहायक नदीमा क्षणिक मध्यम/भारी बर्षा हुने महाशाखाको अनुमान छ ।

महाशाखाले सो क्षेत्रमा पानीको बहाब केहि बढ्ने तथा केही साना नदीमा आकस्मिक बहाब हुन सक्ने भन्दै नदी तटीय क्षेत्रका क्रियाकलापमा सतर्कता अपनाउन आग्रह गरेको छ।