नेपाल नागरिक उड्डयन प्राधिकरण कर्मचारीहरूको सेवा शर्त र सुविधासम्बन्धी नियमावली, २०५६ को अनुसूची संशोधन गरिएको छ ।

संस्कृति, पर्यटन तथा नागरिक उड्डयन मन्त्री लीलानाथ श्रेष्ठले असार २७ गते उक्त नियमावलीको अनुसूची ३, ६ र १० लाई संशोधन गरेका छन्।

मन्त्रालयका सूचना अधिकारी प्रेम सुवेदीका अनुसार लोकसेवा आयोगले दिएको राय अनुसार नै मन्त्रीले गर्न पाउने संशोधनको अधिकारअनुसार संशोधन गरिएको हो।

'सेवा सामूहिकृत नहुने र मिश्रित सेवा समूहका सबै तहका पदहरूमा सेवा समूह गठनको सामान्य सिद्धान्तबमोजिम नभएकाले यसलाई संशोधन गर्नुपर्ने आवश्यकता ठानेर संशोधन गरिएको हो,' सुवेदीले भने,'उक्त संशोधन गर्नुअगाडि संशोधनको मस्यौदा लोक सेवा आयोगमा पठाइएको थियो, आयोगले दिएको राय तथा सहमतिअनुसार नै संशोधन गरिएको हो।'​

भत्ता र कासमुको अंकका लागि विमानस्थलको नयाँ वर्गीकरण

त्यसैगरी अनुसूची १० अनुसार देशका विभिन्न विमानस्थलहरूलाई ५ वर्गमा वर्गीकरण गरिएको छ ।

साविकमा 'क' वर्गमा कुल १६ वटा विमानस्थल रहेकोमा अहिलेको संशोधित अनुसूची अनुसार अब 'क'वर्गमा कुल १९ वटा विमानस्थल रहनेछन्।

ताप्लेजुङ, नागरिक उड्डयन कार्यालय, तेन्जिङ हिलारी नागरिक उड्डयन कार्यालय, फाप्लु नागरिक उड्डयन कार्यालय, मनाङ नागरिक उड्डयन कार्यालय, जोमसोम नागरिक उड्डयन कार्यालय, डोल्पा नागरिक उड्डयन कार्यालय, बाजुरा नागरिक उड्डयन कार्यालय, सिमीकोट नागरिक उड्डयन कार्यालय, बझाङ नागरिक उड्डयन कार्यालयलाई 'क' वर्गमा राखिएको छ।

त्यसैगरी स्याङ्बोचे नागरिक उड्डयन कार्यालय, रोल्पा नागरिक उड्डयन कार्यालय, लाम्टांग नागरिक उड्डयन कार्यालय, दार्चुला नागरिक उड्डयन कार्यालय, जुम्ला नागरिक उड्डयन कार्यालय पनि 'क' वर्गमा रहेका छन्।

ढोरपाटन नागरिक उड्डयन कार्यालय, रारा नागरिक उड्डयन कार्यालय, मसिनेचौर नागरिक उड्डयन कार्यालय, कालिकोट नागरिक उड्डयन कार्यालय, कांगेलडाँडा नागरिक उड्डयन कार्यालय समे 'क' वर्गमा परेका छन्।

त्यसैगरी 'ख'वर्गमा साविकमा ११ वटा विमानस्थल कार्यालय रहेकोमा हाल संसोधित नियमावलीको अनुसूची अनुसार कुल १६ वटा विमानस्थलहरू 'ख'वर्गमा परेका छन्।

भोजपुर नागरिक उड्डयन कार्यालय, तुम्लिङग्टार नागरिक उड्डयन कार्यालय,लामीडाँडा नागरिक उड्डयन कार्यालय,रुम्जाटार नागरिक उड्डयन कार्यालय, डोटी नागरिक उड्डयन कार्यालय, बैतडी नागरिक उड्डयन कार्यालय,'ख'वर्गमा परेका छन्।

त्यसैगरी साँफेबगर नागरिक उड्डयन कार्यालय, पालुङटार नागरिक उड्डयन कार्यालय,जिरी नागरिक उड्डयन कार्यालय, रुकुम (सल्ले) नागरिक उड्डयन कार्यालय, खिजी चण्डेश्वरी नागरिक उड्डयन कार्यालय, इलाम नागरिक उड्डयन कार्यालय, रेसुंगा (गुल्मी)नागरिक उड्डयन कार्यालय, खानीडाँडा नागरिक उड्डयन कार्यालय,थामखर्क नागरिक उड्डयन कार्यालय 'ख'वर्गमा परेका छन्।

विगतमा 'ग'वर्गमा ६ वटा कार्यालय रहेकोमा हालको संशोधन अनुसार ७ वटा परेका छन्।

धनगढी नागरिक उड्डयन कार्यालय, महेन्द्रनगर नागरिक उड्डयन कार्यालय, टीकापुर नागरिक उड्डयन कार्यालय, दाङ नागरिक उड्डयन कार्यालय,सुर्खेत नागरिक उड्डयन कार्यालय, बाग्लुङ नागरिक उड्डयन कार्यालय र रामेछाप नागरिक उड्डयन कार्यालय 'ग' वर्गमा परेका छन्।

'घ' वर्गमा साविकमा १० मध्ये हाल संशोधित विनियमावली अनुसार पनि १० वटा नै विमानस्थल छन्। भरतपुर नागरिक उड्डयन कार्यालय, सिमरा नागरिक उड्डयन कार्यालय, जनकपुर नागरिक उड्डयन कार्यालय, गौतमबुद्ध नागरिक उड्डयन कार्यालय, राजविराज नागरिक उड्डयन कार्यालय, मेघौली नागरिक उड्डयन कार्यालय, चन्द्रगढी नागरिक उड्डयन कार्यालय, पोखरा नागरिक उड्डयन कार्यालय, विराटनगर नागरिक उड्डयन कार्यालय र  नेपालगञ्ज नागरिक उड्डयन कार्यालय 'घ' वर्गमा छन्।

त्यसैगरी विगतमा पनि काठमाडौं उपत्यकास्थित प्राधिकरण अन्तर्गतका कार्यालयहरू 'ङ' वर्गमा रहेकोमा कुनै परिवर्तन गरिएको छैन।

वर्गीकृत ती विमानस्थलमध्ये 'क', 'ख', 'ग' वर्गमा काम गरेका कर्मचारीहरूले अन्य विमानस्थलभन्दा बढी भत्ता पाउने गर्छन्।

त्यसबाहेक कार्यसम्पादन मूल्यांकनमा समेत बढुवाका लागि ती वर्गमा काम गरेपछि नम्बर समेत कर्मचारीले बढी पाउने गर्छन्।

'घ' र 'ङ' वर्गका विमानस्थलमा काम गरेका कर्मचारीले कम भत्ता र कम अंक समेत पाउने गर्छन्।

कतिपय नयाँ विमानस्थल बनेको तथा कतिपय विमानस्थल अहिले पनि निर्माणाधीन अवस्थामा रहेका कारण सबै विमानस्थललाई समेटेर नयाँ वर्गीकरण गरी नियमावली संशोधन गरिएको हो।