टी-सिरिजका म्यानेजिङ डाइरेक्टर भूषण कुमारलाई लाग्यो यौन शोषणको आरोप

टी–सिरिज कम्पनीका म्यानेजिङ डाइरेक्टर भूषण कुमारलाई यौन शोषणको आरोप लागेको छ । 


Advertisement

काम दिलाइदिने बहानामा ३० वर्षीया महिलालाई यौन शोषण गरेको आरोप उनीमाथि लागेको छ । मुम्बईको डीएन नगर पुलिस स्टेशनमा ती महिलाले उजुरी दर्ता गराएकी छन् । 


Advertisement

महिलाका अनुसार तीन अलग–अलग स्थानमा उनीमाथि शोषण गरिएको थियो । भूषण कुमारले तस्वीर र भिडियो सामाजिक सञ्जालमा भाइरल गराइदिने धम्की दिएकाले आफू चुप बस्न बाध्य भएको पीडित भनिएकी ती महिलाको भनाइ छ । 


Advertisement

भूषण टी–सिरिजका म्यानेजिङ डाइरेक्टर मात्रै होइनन्, कयौं ठूला चलचित्रको प्रोडक्सनको काम पनि सम्हाल्छन् । 

प्रहरीले भूषणमाथि यौन दूराचार, धोकाधडी र आपराधिक धम्कीविरुद्ध मुद्दा दर्ता गरेको छ । 

स्मरण रहोस् मी टू अभियान चलिरहेका बेला मोडेल मरिना कुँवरले पनि भूषणविरुद्ध शोषणको आरोप लगाएकी थिइन् । 

एजेन्सी
एजेन्सी

लेखकबाट थप...

कमेन्ट गर्नुहोस्