माघ २०, २०८०
नृत्यका पारखीहरूका लागि लुम्बिनी प्रदेशमा लोकप्रिय नाम हो किशोर थापा । रुपन्देहीका किशोरको परिचय खाली नृत्यकार (डान्सर)मा मात्र सीमित छैन । उनी नृत्य निर्देशक, गायक, मोडल र फूटबल खेलाडीको रूपमा समेत उत्तिकै च...
मोरङको केराबारी गाउँपालिका–२ का नारायण राईले १० वर्षसम्म बहराइनमा कराएको रकम स्वदेश फर्केर कृषिमा लगानी गरे । तर विदेशमा कमाएको पैसाले शहरमा घर बनाएर बस्न छाडेर कृषिमा डुबाएको भन्दै आफ्नैले उनले गाली गरे । नारायणकी पत्नी खुजुमबिना लिम्बु भने उनको योजनामा साथमै रहिन् ।
वैदेशिक रोजगारीमा कमाएको पैसाले कृषि उद्यम गरेर नारायण नमूना कृषक बनेका छन् । कालो झारले कब्जा गरेको हरियाली पाखालाई राई दम्पतीले अग्र्यानिक चिया खेतीबाट हराभरा बनाएका छन् ।
नारायणले ५ रोपनीबाट शुरू गरेको चिया खेतीलाई विस्तार गरी ४०० रोपनीमा पुर्याएका छन् । अब २ हजार रोपनीसम्म चिया खेती विस्तार गर्ने योजना बनाएको उनी सुनाउँछन् ।
विदेश गएर पैसा कमाउनु र चिया खेतीबाट भाग्य चम्काउनुअघि राई यत्रतत्र भड्किएका थिए । सानै उमेरमा आमा बितेपछि उनले आफन्तको घरमा बसेर एसएलसीसम्मको पढाइ सके । उच्च शिक्षा अध्ययन गर्ने योजना बनाएर नारायण २०४४ सालतिर भारत गए । भारतमा अर्काको घरमा ३ वर्षसम्म भाडा माझेरै उनले आईटी पढ्दै केही इलम सिके ।
घडी, रेडियो बनाउने काम सिकेर उनी पुरख्यौली घर फर्किए । घर फर्किएर रेडियो बनाएर ‘यो रेडियो नेपाल हो’ नभनेसम्म सुन्ने गरेको उनले स्मरण गरे ।
‘घडी, टीभी, रेडियो बनाउने पेशा फस्टाउँदै थियो,’ नारायणले भने, ‘केही साथीभाइसँग मिलेर चिठ्ठा खोल्ने योजना बनायौं । छिमेकीले प्रहरीलाई उजुरी गरेछन् । मलाई प्रहरीले लग्यो । पछि धरौटीमा छाड्यो ।’ छुटेर आउँदा उजुर गर्ने छरछिमेकीले ठूलै अपराध गरेजस्तो व्यवहार गरेको उनले सम्झिए । त्यसपछि नारायण विदेश गए ।
उनी वैदेशिक रोजगारीमा हुँदै पत्नीले ५ रोपनी जग्गा किनेर चिया खेती शुरू गरिसकेकी थिइन् । नारायणले पनि स्वदेश फर्किएपछि चिया खेतीमा लाग्दा धेरैले मगज खुस्केको भन्दै गाली गरे । पहाडको डाँडामा फर्केर कृषिमा लगानी गर्दा गाली गर्नेको ताँती नै लाग्यो । तर आफ्नो योजनालाई मूर्तरूप दिन उनले गाउँठाउँमा अग्र्यानिक चिया खेती गरेरै हरियाली बनाउने अठोट लिए । सोही योजनाअनुसार पाखोबारीमा चिया खेती गरे ।
उनी भन्छन्, ‘त्यतिबेला यो राई पागल भएछ समेत भन्न भ्याए ।’ नारायणले शुरू गरेको चिया बगानलाई ‘मातृभूमि टी स्ट्रिट प्रालि’ नाम दिएर दर्ता गराएका छन् । पत्नीले शुरू गरेको पेशाले नरायणलाई यति बेला राम्रो उद्यमी बनाएको छ ।
‘शुरू–शुरूमा कृषि कार्यालयका कर्मचारी समेतले तराईका जिल्लामा चिया खेती गर्दा बालुवामा पानी लगाउनुजस्तै हो भन्थे,’ शुरूआतको पीडा सुनाउँदै खजुमबिना लिम्बुले भनिन्, ‘छरछिमकीहरू पनि बोल्दैन्थे । चिया विकास बोर्डले दिएको तालिममा समेत मलाई सहभागी गराइएन । तालिमका सहभागीलाई खाना, बस्न तथा खाजाको व्यवस्था थियो तर मैले खाजा, खाना, बस्नको पैसा तिरेरै तालिम लिएँ ।’
राई दम्पतीले दैनिक ४० जनालाई रोजगारी दिएका छन् । चिसो हावापानीसँगै लहलहै मौलाउँदै गरेका चिया बोटलाई राईले आफ्नो सपना बनाएका छन् । चिया खेती जिल्लाका अन्य छिमेकी गाविसमा पनि विस्तार हुन थालेकाले नारायण दम्पती झनै हौसिएका छन् ।
अचेल नारायण दम्पती सिंहदेवीमा रहेको चिया बगान चियाउन आउने स्वदेशी/विदेशी जो कोहीलाई आफ्नो पौरखको कथा गर्व साथ भन्छन्, ‘पहिले गाली खाइयो, अहिले ताली पाइयो ।’
राई दम्पतीको चिया बगानमा ६ प्रजातिका चिया उत्पादन हुन्छ र ‘डलर’मा किनबेच हुन थालेको छ । अग्र्यानिक चिया जापान, चीन, जर्मन, मलेसिया, इन्डोनेसिया, बेलायत, कोरिया, अस्ट्रेलियादेखि दक्षिण अफ्रिका र अमेरिकासम्म निर्यात हुने गरेको छ । नारायण दम्पती चिया बगानमा आफैं खट्छन् । चियाको पत्ता टिप्ने, रोप्ने र गोडमेल गर्ने बेला गाउँलेलाई रोजगारी दिन्छन् । सिजन नभएका बेला आफैं खटिन्छन् ।
राई दम्पतीले चिया बगान मात्रै होइन, गाई, बाख्रा, लोकल कुखुरा समेत पालेका छन् । गाईको गोबर, मूत्र र गन्धकको समिश्रणबाट प्राकृतिक मल तयार गरी वनस्पतिमा लगाउने गरेका छन् ।
राई दम्पतीले ६ रोपनी पाखोबारीमा किवी खेती गरेको ७ वर्ष भयो । मकै कोदो समेत दुम्सीले खाएपछि राईले काठमाडौंबाट ५ वटा किवीका बिरुवा ५०० रुपैयाँ प्रतिगोटाका दरले किनेर रोपेका थिए । उनले रोपेको किवी ३ वर्षमा फल्न थाल्यो भने त्यहीबाट उनले नयाँ बिरुवा समेत उत्पादन गरेका छन् । अहिले उनको बारीमा १०० बोटभन्दा बढी किवीले फल दिने गरेका छन् । ५० रोपनीलाई पुग्ने गरी किवीको नर्सरी राखेको उनी बताउँछन् । किवी, गुराँस, आरुलगायत ५ प्रजातिका वाइन समेत राईले उत्पादन गर्ने गरेका छन् ।
राई दम्पतीको सोचाइ छ – चिया फार्मको कतै छेउटुप्पोमा ध्यान केन्द्र स्थापना गर्ने । त्यसपछि तराईका शहरमा विरक्तिएको जीवनलाई चिसो र स्वच्छ हावापानी भएको सिंहदेवीमा आएर मानिसले आनन्द लिन सक्नेछन् ।
नृत्यका पारखीहरूका लागि लुम्बिनी प्रदेशमा लोकप्रिय नाम हो किशोर थापा । रुपन्देहीका किशोरको परिचय खाली नृत्यकार (डान्सर)मा मात्र सीमित छैन । उनी नृत्य निर्देशक, गायक, मोडल र फूटबल खेलाडीको रूपमा समेत उत्तिकै च...
बुधवार काभ्रेको धुलिखेलस्थित काठमाडौं विश्वविद्यालयका १ हजार ८३८ जना विद्यार्थीमाझ सनम ढकाल दृश्यमा आए । एमबीबीएसमा सर्वोत्कृष्ट भएर गोल्ड मेडल ल्याउँदै सनम दीक्षित भएसँगै सबैमाझ परिचित भएका हुन् । काठम...
श्रीमान्–श्रीमती नैं शाखा अधिकृत, त्यो पनि एकसाथ । यस्तो सुखद संयोग सरकारी सेवामा प्रवेश गर्न चाहनेमध्ये कमैलाई मात्र जुर्ने गर्छ । तर, गुल्मीको धुर्कोट गाउँपालिका वडा नम्बर–६ का सुरेन्द्र पाण्डे र रमित...
समय : आइतवार बिहान ७ बजे स्थान : नलगाड नगरपालिका, १ चिउरी, जाजरकोट (भूकम्पले सबैभन्दा धेरै क्षति पुर्याएको ठाउँ) ‘मेरी आमालाई किन यस्तो भयो ? मलाई पनि बाँच्न मन छैन,...
भगवान् गौतम बुद्धको जन्मस्थल लुम्बिनी विश्वकै लागि शान्तिक्षेत्र हो । यो क्षेत्र आउँदो महिना विशेष हुने भएको छ । विश्वकै प्रतिष्ठित र ठूलो पुरस्कार मानिने नोबेल पुरस्कार विजेताहरूको जमघट हुने भएपछि विशेष हुन लागेक...
बुटवलका कुलचन्द्र पाण्डे सफल पर्यटन व्यवसायी हुन् । कुनै समय भारतको एउटा कम्पनीमा काम गरेका पाण्डे अहिले रूपन्देहीमा ‘एसियन ब्राण्ड’ चम्काउने ‘टुरिजम’ उद्यमीका रूपमा चिनिन्छन् । तीन दशकअघि...
सच्चा लोकतन्त्रमा सिमान्तमा रहेको नागरिकले पनि यो देश मेरो हो भन्ने अनुभूति गर्न सक्नेछ- माहात्मा गान्धी । माथि गान्धीको भनाइ किन उद्धृत गरिएको हो भने नयाँ वर्षको आगमन भैसकेको छ र २०८० को बिदाइ बडो हर्षपूर्वक...
एक दिन काम विशेषले नयाँ सडकतिर गएको थिएँ, मोबाइल टिङटिङ गर्यो । हेरेँ पुराना मित्र जयदेव भट्टराई, सम्पादक मधुपर्क (हाल अवकाश प्राप्त) ले सम्झेका रहेछन् । हामी दुई लामो समयसम्म सँगै रह्यौँ, कहिले गोरखापत्र...
आत्मिक शुद्धताका पक्षपाती दार्शनिक सुकरात चौबाटोमा उभिएर एथेन्सबासीलाई आह्वान गरिरन्थे– ‘तपाईं नीति, सत्य र आत्माको शुद्धताका लागि किन ध्यान दिनुहुन्न ?’ उनका अर्थमा त्यो जीवन बाँच्न योग्य हुँदैन...