प्रेमले सधैं सकारात्मक नतिजा मात्रै दिँदैन, अत्यन्तै क्रूर परिणाम समेत निकाल्ने गरेको घटना भारतको बिहारस्थित मुजफ्फरपुरमा भएको छ ।

प्रेमिकालाई भेट्न गएका मुजफ्फरपुरको रामपुरका युवक २२ वर्षीय सौरभ कुमारको क्रूर तरिकाले मारिएको भारतीय सञ्चारमाध्यमले जनाएका छन् । सौरभ नजिकैको गाउँ सोनबरसामा प्रेमिकालाई भेट्न गएका बेला मारिएका हुन् ।

प्रेमिकालाई भेट्न गएका बेला सौरभलाई उनका परिवारले देखेका थिए । त्यसपछि सौरभलाई समातेर कुटपिट गरिएको थियो । यतिसम्म किन सौरभको गुप्ताङ्ग समेत काटिएको अवस्थामा भेटिएको प्रहरीले जनाएको छ ।

आक्रोशित भएका सौरभका आफन्तले उनको अन्तिम संस्कार प्रेमिकाकै घर अगाडि गरेका छन् । प्रहरीले घटनामा संलग्न दुवै पक्षलाई पक्राउ गरेको छ ।

घटनापछि स्थानीय आक्रोशित बनेका छन् ।