अमेरिका र चीनका शीर्ष अधिकारीबीच दन्तबझान

अमेरिका र चीनका शीर्ष अधिकारीहरूले सोमवारको बैठकमा दन्तबझान गरेका छन् ।


Advertisement

अमेरिकाकी परराष्ट्र राज्यमन्त्री वेन्डी शरम्यानको नेतृत्वमा रहेको प्रतिनिधिमण्डलले चीनको थ्यानचिनमा चीनका परराष्ट्रमन्त्री वाङ यी र अन्य अधिकारीहरूसँग भेटघाट गरेको थियो । 


Advertisement

अमेरिकाको परराष्ट्र मन्त्रालयले बैठक सीधासीधा र खुला भएको बतायो । त्यो भनेको कूटनीतिक भाषामा दन्तबझान गरेको हो । 

चीनले अन्तर्राष्ट्रिय मूल्यमान्यतालाई अवमूल्यन गरिरहेकोले ऊ अन्तर्राष्ट्रिय विद्रोही भएको अमेरिकाको परराष्ट्र मन्त्रालयको कथन छ । चीनले सिन्ज्याङमा नरसंहार गरेको र कोरोनाभाइरस उत्पत्तिको विषयमा गरिने अन्तर्राष्ट्रिय अनुसन्धानलाई सहयोग नगरेको आरोप पनि उसले लगायो । 


Advertisement

बेइजिङले अमेरिकी अधिकारीहरूसँगको वार्ता गहिरो तथा सीधासीधा भएको बतायो । वाशिङटनले चीनका विषयमा अत्यन्तै खतरनाक नीति बनाएको र मानवअधिकारका विषयमा पाखण्ड अपनाएको आरोप लगाउँदै चीनले त्यसप्रति कडा असन्तुष्टि व्यक्त गरेको छ । 

चिनियाँ अधिकारीहरूले अमेरिकालाई चीनको आन्तरिक मामिलामा हस्तक्षेप तत्काल बन्द गर्न, चीनको स्वार्थमा घात नगर्न, लक्ष्मणरेखा ननाघ्न तथा मूल्यमान्यताका नाममा भिडन्त नगराउन भनेको चीनको परराष्ट्र मन्त्रालयका प्रवक्ता चाओ लिजियानले बताए । 

यी दुवै देशले संसारको सबभन्दा महत्त्वपूर्ण द्विपक्षीय सम्बन्धको व्यवस्थापनका साथै एकअर्कामाथि हावी हुन प्रयास गरिरहेका छन् । आउँदो अक्टोबर महिनामा हुने जी७ सम्मेलनमा चीनका राष्ट्रपति सी चिनपिङ र अमेरिकाका राष्ट्रपति जो बाइडनबीच भेटघाट हुने सम्भावना छ । त्यसैको तयारीका लागि समेत चिनियाँ र अमेरिकी अधिकारीहरूको बैठक बसेको हो । 

हिजोको बैठकमा दुवै पक्षले कडा भाषा उपयोग गरेको भए पनि निरन्तर संवादमा रहने इच्छा पनि व्यक्त गरेका छन् । 
 

एजेन्सी
एजेन्सी

लेखकबाट थप...

कमेन्ट गर्नुहोस्