चिनियाँ कम्युनिस्ट पार्टीको मुखपत्र मानिने ग्लोबल टाइम्सले राष्ट्रपति सी चिनपिङको नीङ्ची यात्रालाई निकै महत्त्व दिएको छ । 

नीङ्ची इलाका सामरिक रूपमा महत्त्वपूर्ण छ किनकि त्यहाँबाट केही किलोमिटरको दूरीमा भारतको अरुणचाल प्रदेशको सीमा पर्छ । 

भारत र चीनको सीमा नजिकको शहरमा कैयौं वर्षपछि भ्रमण गर्ने चीनका ठूला नेता सी नै हुन् । 

ग्लोबल टाइम्ससँग कुरा गर्दै चाइना इन्स्टिच्युट अफ कन्टेम्पोररी इन्टरनेसनल रिलेसन्सका उपनिर्देशक लोउ चुन्हावका अनुसार, आगामी पञ्चवर्षीय योजनामा चीनले पूर्वी र पश्चिमी इलाकाहरूलाई थप राम्रो गरी जोड्नका लागि बृहद् योजनाहरू बनाइरहेको छ ।

लोउका अनुसार, सम्पर्कका साधन विकसित भएपछि तिब्बत पनि दक्षिणपश्चिम चीनमा व्यापारको ठूलै केन्द्र बन्नेछ । 

उनका अनुसार, तिब्बतमार्फत चीनले नेपालसँग व्यापारिक र आर्थिक सम्बन्धलाई थप बलियो बनाउन सक्छ । 

नेपालसँग सम्बन्ध बलियो बनाउन ल्हासा–नीङ्ची रेलमार्गको महत्त्वपूर्ण भूमिका छ । 

यस रेलमार्गको आरम्भ एक महिनाअघि मात्र भएको थियो । यसलाई सिचुआन–तिब्बत रेलखण्डको सामरिक रूपमा अतिमहत्त्वपूर्ण हिस्सा मानिन्छ ।