ओलम्पिकमा पदक जितेपछि त्यसलाई खेलाडीहरूले टोकेको दृश्य तपाईंले देखेको हुनुपर्छ । 

टोक्यो ओलम्पिकमा पनि यो दृश्य देखिएको छ । 

तर ओलम्पिक आयोजकहरूले खेलाडीहरूलाई पदक नटोक्न भनेका छन् । 

‘यी पदकहरू जापानी जनताले दान दिएका विद्युतीय सामग्रीलाई रिसाइकल गरेर तयार पारिएको हो । त्यसैले तिनलाई नटोक्नुहोला । तर यति भन्दा पनि तपाईंहरूले टोक्नु हुने नै छ,’ आयोजकहरूले बताए । 

तर किन खेलाडीहरूले पदक टोकेका हुन् ? 

ओलम्पिक इतिहासकार डेभिड वालेचिन्स्कीका अनुसार, फोटोग्राफरहरूले दामी शट आउँछ भनेर खेलाडीहरूलाई पदक टोक्न लगाएका हुन् । खेलाडीले पदक टोकेको तस्वीर खुब बिक्छ भन्ने सोच फोटोग्राफरहरूको हो । खासमा खेलाडी आफैैंले पदक टोक्न चाहँदैनन् ।