प्रधानमन्त्री शेर बहादुर देउवाको अध्यक्षतामा कोभिड- १९ निर्देशक समितिको बैठक बसेको छ ।

शुक्रवार सिंहदरबार स्थित प्रधानमन्त्री तथा मन्त्रिपरिषद्को कार्यालयमा दिउँसो सवा ४ बजेदेखि करिब ६ बजेसम्म बैठक बसेको थियो । 

बैठकमा गृहमन्त्री बालकृष्ण खाँण, अर्थमन्त्री जनार्दन शर्मा, उर्जामन्त्री पम्फा भुषाल, कानून मन्त्री ज्ञानेन्द्र बहादुर कार्की, स्वास्थ्य राज्यमन्त्री उमेश श्रेष्ठ, मुख्य सचिव शंकरदास बैरागी, नेपाली सेनाका प्रधानसेनापति पूर्णचन्द्र थापा सहभागी भएका थिए ।

यस्तै बैठकमा नेपाली सेनाका रथी प्रभुराम शर्मा, प्रधानमन्त्री कार्यालयका सचिव बैकुण्ठ अर्याल, धनराज ज्ञवाली र कृष्णहरी पुष्कर  कर्ण, काठमाडौ  जिल्लाका प्रमुख जिल्ला अधिकारी काली प्रसाद पराजुली, सीसीएमसीका  संयोजक बालानन्द शर्मा, प्रहरी अतिरिक्त महानिरिक्षक बिश्वराज पोखरेल, सशस्त्र प्रहरी अतिरिक्त महानिरिक्षक पुष्पराम के.सी, अतिरिक्त मुख्य अनुसन्धान निर्देशक यादव रेग्मीलगायतको उपस्थिति रहेको थियो ।