एमाले स्थायी कमिटीको निर्णायक भनिएको बैठक– वामदेव सहभागी, माधव नेपाल पक्ष अनुपस्थित

विकसित पछिल्लो राजनीतिक घटनाक्रमको समीक्षा र पार्टीको भावी रणनीति तय गर्न नेकपा एमाले स्थायी कमिटीको बैठक शुरू भएको छ ।

ललितपुरको च्यासलस्थित तुल्सीलाल स्मृति प्रतिष्ठानको कार्यालयमा स्थायी कमिटीको दोस्रो दिनको बैठक शुरू भएको हो । 


Advertisement

सहमतिका लागि आजसम्म कुर्ने भन्दै शनिवारको बैठक स्थगित गरिएको थियो । आइतवारको बैठकको शुरूमा अध्यक्ष केपी शर्मा ओलीले सम्बोधन गरेका छन् ।

बैठकमा उपाध्यक्ष वामदेव गौतम पनि सहभागी छन् । माधव नेपाल पक्षका नेताहरू भने सहभागी छैनन् । 


Advertisement

प्रधानमन्त्री शेरबहादुर देउवालाई विश्वासको मत दिएका २२ सांसदमाथि सोधिएको स्पष्टीकरणबारे समेत एमाले बैठकमा छलफल हुँदैछ ।

सहमतिको प्रयास जारी रहेको भन्दै यसअघि स्पष्टीकरणलाई यथावत राखिएको थियो । 

शनिवार एक कार्यक्रममा अध्यक्ष ओलीले माधव नेपाललाई ‘देशद्रोही’को संज्ञा दिँदै एमालेमा स्थान नभएको बताएका थिए ।  

लोकान्तर संवाददाता
लोकान्तर संवाददाता

लेखकबाट थप...

कमेन्ट गर्नुहोस्