सडक भासिदा ५ दिनदेखि अवरुद्ध जयपृथ्वी राजमार्ग पुनः सञ्चालनमा आएको छ ।

लगातारको वर्षाले पाटन नगरपालिका–८ झौलेकमा सडक भासिदा गत आइतवारदेखि राजमार्ग अवरुद्ध बनेको थियो । 

भासिएको सडक भत्काएर सडक किनारबाट पर्खाल लगाएपछि बिहीवारदेखि राजमार्ग सञ्चालनमा आएको  जिल्ला प्रहरी कार्यालयका प्रवक्ता बोधराज ओझाले जानकारी दिए । उनले भने, ‘पर्खाल निर्माण सम्पन्न भएपछि राजमार्गमा पूर्ण रूपमा सवारी आवागमन शुरू भएको छ ।’

राजमार्ग खुलेसँगै बझाङ जाने र बझाङबाट काठमाडौं, धनगढी, महेन्द्रनगर, डडेल्धुरा, बैतडी लगायतका स्थानका लागि छुटेका सवारीसाधन चलेका छन् ।