शुरू भयो प्रथम रिभाइभ लिजरपार्क खुला राष्ट्रिय ब्याडमिन्टन [भिडियोसहित]


Advertisement

रिभाइभ लिजरपार्क स्थापनाको अवसरमा  ‘प्रथम रिभाइभ लिजरपार्क खुला राष्ट्रिय ब्याडमिन्टन च्याम्पियनसिप २०७८’ आजबाट शुरू भएको छ । प्रतियोगिताको उद्घाटन राष्ट्रिय खेलकुद परिषद् (राखेप) का सदस्य सचिव रमेशकुमार सिलवालले गरे । 


Advertisement

'यस प्रथम रिभाइभ लिजरपार्क खुला राष्ट्रिय ब्याडमिन्टन च्याम्पियनसिप २०७८ हुनुको अर्थ भनेको अब छिट्टै दोस्रो, तेस्रो, चौथो खेल पनि यस रिभाइभ लिजर पार्कले गर्नेछ भन्ने मेरो बुझाइ हो,' उनले भने । 

मुख्य प्रशिक्षक सुदीप योञ्जनले  प्रिन्स दाहाल ब्याडमिन्टन च्याम्पियनसिपमा विश्वकै तेस्रो नम्बरमा पर्न सफल खेलाडी भएकाले यसमा गर्व गर्नुपर्ने बताए । उनले भने, 'हामी सबैले आशा गरौँ कि उनी अब छिट्टै विश्वकै नम्बर एकमा पर्न सफल हुन् ।'


Advertisement

त्यस्तै नेपाल ब्याडमिन्टन संघका अध्यक्ष रामजीबहादुर श्रेष्ठले स्वास्थ्य मापदण्ड पालना गर्दै प्रतियोगिता सञ्चालन गर्नुपर्ने बताए । कोरोनाकालमा पनि सबैलाई आशा देखाउन खुला राष्ट्रिय ब्याडमिन्टन च्याम्पियनसिप आयोजना गरेको भन्दै उनले आयोजकलाई धन्यवादसमेत दिए । 

आयोजक कमिटी अध्यक्ष शुक्र पाख्रिनले सकारात्मक तथा स्वास्थ्य जीवनको लागि खेल खेल्न प्रेरित गर्ने उद्देश्यले प्रतियोगिता आयोजना गरिएको बताए । 

असोज १ देखि असोज ५ गतेसम्म आयोजना हुने च्याम्पियनसिपमा पुरुष एकल खुला र डबल, महिला एकल खुला, भेट्रान्स डबल गरी ४ विधामा खुला प्रतिस्पर्धा गराइने छ ।

च्याम्पियनसिपमा राष्ट्रिय खेलाडीहरू, प्रदेश र जिल्ला, नेपाली सेना, नेपाल प्रहरी र सशस्त्र प्रहरी बल गरी विभिन्न संघसंस्था, क्लब पनि सहभागी गराइने आयोजकको भनाइ छ । 

प्रतियोगितामा २०० भन्दा बढी खेलाडीहरूको सहभागिता रहनेछ । 

प्रतियोगिताका सबै विधामा विजेता, उपविजेता र तृतीय हुने टीमलाई नगद पुरस्कारसहित ट्रफी, मेडल प्रदान गरिने छ ।

लगनखेलस्थित आफ्नै कभर्ड हलमा आयोजना हुने च्याम्पियनसिप प्रतियोगितामा कोभिड–१९ को संक्रमणलाई ध्यानमा राख्दै मास्क, स्यानिटाइजर, भौतिक दूरीलगायत स्वास्थ्य मापदण्ड पूर्ण पालना गरिने आयोजकले जनाएको छ । 

प्रतियोगितासम्बन्धी सम्पूर्ण सूचना रिभाइभ लिजर पार्कको फेसबूक पेजमा अपडेट गरिने आयोजकको भनाइ छ । 

लोकान्तर संवाददाता
लोकान्तर संवाददाता

लेखकबाट थप...

कमेन्ट गर्नुहोस्