ला लिगामा काडिजको पहिलो जित

ला लिगामा काडिजको पहिलो जित

स्पेनिल ला लिगामा काडिजले पहिलो जित निकालेको छ । शुक्रवार राति भएको खेलमा काडिजले सेल्टा भिगोलाई उसैको मैदानमा २–१ गोलले हरायो ।


Advertisement

काडिजलाई पाँचौं राउन्डमा आएर पहिलो जित दिलाउन एन्थोनी लोजानो र अल्फोन्सो स्पिनोले गोल गरे । सेटा भिगोका सान्ति मिनाले सान्त्वना गोल फर्काए ।


Advertisement

पहिलो हाफमै दुई गोल गरेको काडिजलाई ३८औं मिनेटमा एन्थोनीले हेड गोल गर्दै अग्रता दिलाए । उनले टोमस अर्लाकनको फ्रिकिक पासमा गोल गरेका थिए । ४३औं मिनेटमा अलफोन्सो स्पिनोले रिवाउन्डमा गोल गर्दै काडिजको अग्रता दोब्बर बनाए ।

यसअघि काडिजका साभी सान्चेजले पेनाल्टीको अवसर खेर फालेका थिए । सान्चेजको प्रहारलाई सेल्टा भिगोका गोलरक्षक माटियस डिटुरोले फर्काए । सोही रिवाउन्ड बलमा अलफोन्सो स्पिनोले सोझै गोल गरेका थिए ।


Advertisement

दोस्रो हाफको सुरुवातमै तीन खेलाडी परिवर्तन गरेको सेल्टा भिगोले उत्कृष्ट प्रदर्शन गरेको थियो । ६४औं मिनेटमा सान्ति मिनाले गोल गर्दै घरेलु टोलीलाई खेलमा फर्काउने प्रयास गरे । इन्ज्युरी समयमा सेल्टाका इगो आसपासले पोस्ट नजिक पाएको अवसर गुमाएका थिए ।

७८ प्रतिशत बल पोसेसनका राखेको सेल्भा भिगो अन्ततः हार खेप्न बाध्य बन्यो । यता २२ प्रतिशत बल पोसेसनका राखेको काडिज दोस्रो हाफमा जम्न सकेन । खेलमा सेल्टा भिगोले १४ वटा पोस्ट प्रहार गर्दा काडिजले सातवटा पोस्ट प्रहार गरेको थियो । काडिजका एन्थोनी (चोको) लोजानो ‘म्यान अफ दी म्याच’ भए ।

लिगमा पहिलो जितसँगै काडिज ११औं स्थानमा उक्लिएको छ । काडिजले पाँच खेलबाट पाँच नै अंक बनाएको छ । यसअघि काडिजले दुई खेलमा बराबरी र दुई खेलमा हार खेपेको थियो । चौथो हार खेपेको सेल्टा भिगो एक अंकसहित १८औं स्थानमा छ । शीर्षस्थानमा रहेको रियल म्याड्रिडको चार खेलबाट १० अंक पुगेको छ । दोस्रो र तेस्रो स्थानमा रहेको भ्यालेन्सिया र एट्लेटिको म्याड्रिडको पनि १० अंक छ ।

ला लिगा अन्तर्गत शनिवार साँझ गेटाफे र रायो भालेकानो तथा एट्लेटिको म्याड्रिड र एथलेटिक बिल्बाओबीच प्रतिस्पर्धा हुनेछ । शनिवार राति नै इल्चे र लिभान्ते तथा ओसासुना र डिर्भोटिभो अलाभेस भिड्नेछन् ।

विश्वकै चर्चित लिग मध्येको एक स्पेनिस ला लिगा फुटबल पहिलो पटक नेपालमा डिशहोम एक्सन स्पोर्ट्स एचडी टेलिभिजनमार्फत प्रत्यक्ष हेर्न पाइने व्यवस्था छ । त्यसका लागि डिशहोमको ग्राहक भने बन्नु पर्ने हुन्छ ।

ला लिगाको नेपालका लागि पे टिभी तथा डिजिटलको विशेष प्रसारणको अधिकार डिशहोमले प्राप्त गरेको हो । हाल डिशहोममा खेल च्यानलको रुपमा एक्सन स्पोर्टस एचडी १ र एक्सन स्पोर्टस एचडी २ प्रसारण भइरहेकोमा ला लिगाका खेलहरू एक्सन स्पोर्टस एचडी २ मा प्रसारण भइरहेको छ ।

त्यसका लागि ग्राहकले ला लिगा सिजनका लागि थप २ हजार रूपैयाँ तिर्नु पर्ने डिशहोमले जनाएको छ । 

हाल डिशहोमको ग्राहकलाई उपलब्ध रहेको ला लिगाको सिजन टिकट सिम टिभी, प्रभु टिभी र डिश होमको ओटीटी (डिशहोम गो) मार्फत उपलब्ध छ ।

एजेन्सी
एजेन्सी

लेखकबाट थप...

कमेन्ट गर्नुहोस्