लगातार ओरालो लागेको धितोपत्र बजारमा शेयर कारोबार मापक नेप्से परिसूचक बुधवार ‘बाउन्स ब्याक’ भएको छ ।

ओरालो लाग्दै आएको नेप्सेमा मंगलवार पनि दोहोरो अंकको वृद्धि भएको थियो । मंगलवारको लय पछ्याउँदै बुधवार नेप्से परिसूचकमा उच्च अंकको वृद्धि देखिएको छ ।

नेपाल स्टक एक्सचेञ्जका अनुसार बुधवार १०४.८८ अंकले उकालो लागेर नेप्से परिसूचक २ हजार ८१६.९५ मा पुगेको छ । ठूला कम्पनीको शेयर कारोबार मापन गर्ने सेन्सेटिभ परिसूचक १९.४७ विन्दुले बढेर ५२८.१० मा पुगेको छ ।

नेप्से बढे पनि कारोबार रकममा भने सुधार भएको छैन । कूल २१७ कम्पनीको १ करोड २१ लाख २२ हजार २९८ कित्ता शेयर ६ अर्ब १७ करोड ९३ लाख १५८ मूल्यमा खरिद बिक्री भए । बुधवारको कारोबारपछि बजार पूँजीकरण ३९ खर्ब ४२ अर्ब ५५ करोड ८८ लाख १० हजार बराबर पुगेको छ ।

कारोबार भएका कूल १३ उपसमूहको शेयर नै उकालो लाग्यो । बैंकिङ ६०.९२, व्यापार १३२.६७, होटल तथा पर्यटन १३६.९, विकास बैंक ३८१.४२, जलविद्युत् १६९.४४, वित्त २०७.९३, निर्जीवन बीमा ४४१.८७, उत्पादन १८२.३१, अन्य ४१.७३, लघुवित्त १७०.७३, जीवन बीमा ५५१.७५, सामूहिक लगानी कोष ०.२२ र लगानी ३.८९ विन्दुले उकालो लागेको छ ।

कारोबारका आधारमा बुधवार पनि अरुण भ्याली हाइड्रोपावर शीर्ष स्थानमा रहेको छ । सो कम्पनीको २३ करोड ३४ लाख ८५ हजार ५११ बराबरको कारोबार भयो । नेसनल हाइड्रोपावर १८ करोड ४८ लाख ७४ हजार ५६६, आरएमडीसी लघुवित्त १६ करोड ९९ लाख ६८ हजार ८६३, हिमलायन डिस्टिलरी १५ करोड ४८ लाख ८९ हजार ६४९ र अपि पावर कम्पनी १३ करोड ५३ लाख ७१ हजार ७३३ बराबरको कारोबार भई शीर्ष ५ भित्र परेका छन् ।

कारोबारका आधारमा बुधवार विभिन्न १४ कम्पनीको शेयर मूल्यमा १० प्रतिशतले वृद्धि भई सकारात्मक सर्किट लागेका छन् । त्यसमा प्रिमियर इन्स्योरेन्स, वेस्ट फाइनान्स कम्पनी, गुहेश्वरी मर्चेनट बैंक, आईसीएफसी फाइनान्स, कर्पोरेट डेभलपमेन्ट बैंक, मल्टिप्रपोज फाइनान्स, सिन्धु विकास बैंकलगायत छन् । मञ्जुश्री फाइनान्स १.४९, सिद्धार्थ इन्भेस्टमेन्ट ग्रोथ स्किम दोस्रो ०.२८, नबिल इक्विटी फण्ड ०.२६ र एनसीसी बैंकको ऋणपत्र २०८६ का लगानीकर्ताले ०.०४ प्रतिशतले गुमाए ।