विश्वमै सबभन्दा बढी प्रयोग हुने इन्स्ट्यान्ट म्यासेजिङ एप ह्वाट्सएप प्राय आफ्नो प्रयोगकर्ताका लागि नयाँ फिचर अपडेट ल्यारहेको हुन्छ । 

यसैक्रममा धेरै समयपछि ह्वाट्सएपले नयाँ फिचरमा काम गरिरहेको थियो, अहिले अफिसियली अपडेट गरिएको छ । यो फिचरको नाम हो, डिस्अपियरिङ म्यासेज । यो फिचरले एपमा पठाइएको म्यासेज केही समयपछि आफैं गायब हुन्छ, जसलाई प्रयोगकर्ताले आफ्नो हिसाबले अन र अफ गर्न सक्नेछन् । 

यो फिचरले पहिले पठाइएको वा पाएको म्यासेजलाई प्रभावित पार्दैन । तर, जब तपाईं एकपटक यो फिचरलाई इनेबल गर्नुहुन्छ, पर्सनल वा ग्रुप च्याटमा पठाइएको म्यासेज सात दिनपछि गायब हुनेछ । 

यसरी गर्नुहोस् अन 

ह्वाटस्एप च्याट खोल्नुहोस्

कन्ट्याक्टको नाम ट्याप गर्नुहोस् । 

डिस्अपियरिङ म्यासेजेज्मा ट्याप गर्नुहोस् । 

त्यसपछि कन्टिन्यूमा ट्याप गर्नुहोस् र अन विकल्प छान्नुहोस् । 

यसरी गर्नुहोस् अफ

ह्वाट्सएप च्याट खोल्नुहोस् ।

कन्टेक्टको नाम ट्याप गर्नुहोस् ।

गायब हुन लागेको सन्देशमा ट्याप गर्नुहोस् । 

त्यसपछि कन्टिन्यूमा ट्याप गरेर अफ विकल्प छान्नुहोस् ।