बलिउड सुपरस्टार शाहरुख खानका छोरा आर्यन खान भारतको लागूपदार्थ नियन्त्रण ब्युरो एनसीबीको हिरासतमा बिहीवारसम्मका लागि छन् । 

तीन दिनको प्रहरी हिरासतका लागि म्याद थप गरिएपछि आर्यनलाई एनसीबीका अधिकारीहरूले सोधपुछ गरिरहेका छन् । 

आर्यनले एनसीबीको अनुसन्धानमा सहयोग गरिरहेका छन् र प्रश्नको जवाफ दिइरहेका छन् ।

उनले एनसीबीको मेसमा बनेको खाना खाएका छन् । महंगो र मीठो खाना खाइरहेका धनाढ्य परिवारका आर्यनलाई मेसको खानामा चित्त बुझाउनु परिरहेको छ । 

नियमअनुसार, घरकमे खाना ल्याउनका लागि अदालतको अनुमति आवश्यक हुन्छ तर आर्यनले त्यस्तो अनुरोध गरेका छैनन् । 

उनले सोमवार पिता शाहरुखसँग दुई मिनेट कुराकानी गरेका थिए । 

आर्यनले आफ्नो लागि नेजल ड्रप मगाएका थिए । एनसीबीले उनलाई त्यो उपलब्ध गराएको छ । 

उनले एनसीबीसमक्ष चार पृष्ठको बयान लेखेका छन् ।