भारत र पाकिस्तानबीच टी२० विश्वकपको खेल अर्को आइतवार दुबई अन्तर्राष्ट्रिय क्रिकेट रंगशालामा हुन लागेको छ । 

यी दुई टीमको प्रतिस्पर्धा निकै कडा हुने भएकाले प्रशंसकहरूमा धेरै उत्साह छ । 

पाकिस्तान क्रिकेट टीमका कप्तान बाबर आजमले टी२० विश्वकपमा टीमको प्रदर्शन राम्रो होस् भनी शुभकामना दिन प्रशंसकहरूलाई आग्रह गर्दा धेरैले त शुभकामना दिए । तर राहिल भट नामक एक व्यक्तिले धम्की दिँदै भारतसँग हारेमा घर फर्किन नदिने बताए । भारत र पाकिस्तानबीच विश्वकपमा पाँचपटक जम्काभेट हुँदा पाकिस्तान पाँचैपटक हारेको छ । 

आजम चाहिँ यस म्याचप्रति उत्साहित छन् । उनले केही दिनअघि भनेका थिए, ‘हामीले विगत तीन वर्षमा यूएईमा क्रिकेट खेलेका छौं र यहाँको मैदानका बारेमा जानकार छौं । म्याचको दिन जसले राम्रो खेल्छ, त्यसैले जित्ने हो । हामी जित्छौं जस्तो लाग्छ ।’