नेदरल्यान्ड्सको लीग फूटबलमा आइतवार एक खेल सकिएलगत्तै रंगशालाको एक भाग भत्किएको छ । 

भिटेस क्लबका समर्थकहरूले एनईसीविरुद्धको जीतपछि खुशियाली मनाउँदै गर्दा रंगशाला भत्किएको हो । 

भिटेसले एनईसीलाई १–० ले हराएको थियो । खेलको एक मात्र गोल निकोलाइ बादेन फ्रेडरिकसनले गरेका थिए । 

अन्तिम सिट्ठी बजेपछि भिटेसका खेलाडीहरू स्टेडियन गाल्फोर्ट रंगशालामा आफ्ना प्रशंसक भएतिर गएका थिए ।

प्रशंसकहरू रमाएर उफ्रेपछि रंगशालाको एक भाग भत्किएको थियो । 

अगाडि बसेका धेरैजना तलतिर पछारिएका थिए र खेलाडीहरू चिन्तित बनेका थिए । 

सौभाग्यवश कसैलाई पनि चोटपटक लागेन । 

चोटपटक नलागेको पुष्टि भएपछि प्रशंसकहरू पुनः खुशियाली मनाउँदै उफ्रेका थिए । 

De Vitesse-supporters zijn door het dolle heen na de zege in de derby, maar een deel van het uitvak in het Gofferstadion begeeft het... 🏟⚠️#necvit pic.twitter.com/CkhqWhakSO

— ESPN NL (@ESPNnl) October 17, 2021