विदेशिएका पुरातात्विक महत्त्वका सम्पदा फिर्ता गराउने पहल गर्दै विभाग

विदेशिएका पुरातात्विक महत्त्वका सम्पदा फिर्ता गराउने पहल गर्दै विभाग

विभिन्न समयमा नेपालबाट बाहिरिएका मूर्ति, थांका लगायत पुरातात्विक महत्त्वका सम्पदा फिर्ता गराउन पुरातत्व विभागले पहल शुरू गरेको छ ।


Advertisement

विभिन्न  देशमा चोरी निकासी भएर पुगेका नेपालको भनी स्वामित्व पहिचान भएका सम्पदा फर्काउन नेपाली राजदूतावास, इन्टरपोल र ती देशका संग्रहालयसँग मिलेर सूचना संकलन गरेको विभागका महानिर्देशक दामोदर गौतमले जानकारी दिए ।


Advertisement

अमेरिका, बेलायत, फ्रान्सलगायत देशमा रहेका यस्ता सम्पदा फिर्ता गराउन हाल पहल भइरहेको छ । 

गणेशको मूर्ति भारत र नेपाल दुवै देशमा र थांका नेपाल एवं तिब्बत दुवैतिर बन्ने गरेकाले पहिचानमा कठिनाइ हुने गरेको उनले बताए । विदेशस्थित संग्रहालय, निजी संकलनमा रहेका पुरातात्विक सम्पदामा ‘नेप्लिज कलेक्सन’ भनी रखिएका सामग्री अवैध तरिकाले चोरी, निकासी भएको पाइएपछि स्वदेशमा फिर्ता गराउन लागिएको हो । 


Advertisement

यस्ता सम्पदा नेपाल फर्काउन विभागमा काम गर्ने जनशक्तिको कमी भएका कारण पनि समस्या हुने गरेको छ । विभाग हाल २५ जना जनशक्तिको भरमा चलाउनुपरेको महानिर्देशक गौतमको भनाइ छ । यही जनशक्तिको सम्पदा संरक्षण, पुरातात्विक स्थलको उत्खनन्, विश्व सम्पदा क्षेत्रको संरक्षण, विदेशिएका सम्पदाका विषयमा पनि काम गर्नुपरेको छ ।

चीनमा विदेशिएका सम्पदा फिर्ता गराउने काम गर्ने ३ ब्युरोसहित ४५० जनाभन्दा बढी कर्मचारीले काम गर्छन् ।

कमेन्ट गर्नुहोस्