नेपाल राष्ट्र बैंकले बैंकहरुले निक्षेपमा ब्याजदर बढाएर १० प्रतिशत भन्दा माथि कायम गरेपछि हस्तक्षेप गरेको छ । केन्द्रीय बैंकले मंगलबार बैंक तथा वित्तीय संस्थाको नाममा जारी गरेको सर्कुलरमा इजाजत प्राप्त बैंक तथा वित्तीय संस्थाले जुनसुकै प्रकारको निक्षेपमा प्रदान गर्ने ब्याजदर निर्धारण तथा प्रकाशन गर्दा बढीमा १० प्रतिशतका दरले मात्र परिवर्तन गर्न सक्ने उल्लेख गरिएको छ ।

यस्तै संस्थागत निक्षेपमा प्रदान गरिने ब्याजदर सर्वसाधारणलाई मुद्दती निक्षेपमा प्रदान गरिने अधिकतम ब्याजदरभन्दा कम्तीमा एक प्रतिशत बिन्दुले कम हुनुपर्ने पनि सर्कुलरमा उल्लेख गरिएको छ ।
राष्ट्र बैंकले कात्तिक महिनाको लागि प्रकाशित भइसकेको ब्याजदरमा संशोधन गरी बुधबारभित्र सार्वजनिक गर्न पनि भनेको छ ।