काँग्रेस प्रवक्ता विश्वप्रकाश शर्माले अहिले एक सातामै सरकार ढालिदिने चेतावनी दिने समय नभएको बताएका छन् । आज राजधानीमा आयोजित पार्टीको कार्यक्रममा एमाले अध्यक्ष केपी शर्मा ओलीले एमालेले चाहे एक सातामै शेरबहादुर देउवा नेतृत्वको सरकार ढालिदिने दावी गरेका थिए ।
त्यसको जवाफमा काँग्रेस प्रवक्ता शर्माले ट्वीटरमार्फत भनेका छन्, ‘श्रद्धेय कमरेड केपी शर्मा ओलीज्यू, ‘चाहे एक सातामा सरकार ढाल्न सक्छौं’ भनेर चुनौती दिने समय यो होइन । संविधानत त्यो सम्भव पनि छैन ।’
उनले यो समय अविरल बर्षाले आक्रान्त नागरिकको सेवामा जुट्ने, राजनीति माथि उठ्ने र सोच्ने समय भएको बताएका छन् । उनले उद्दार,राहत र पुनर्स्थापनाको अभियानमा मिलेर काम गर्न आउन पनि ओलीलाई आग्रह गरेका छन् ।