चैत २७, २०८०
शिक्षा, विज्ञान तथा प्रविधि मन्त्री सुमना श्रेष्ठ सिंहदरबारका कर्मचारीबीच 'गसिप'को विषय बनेकी छन् । छिनछिनमा मिटिङ गर्नुपर्ने, सर्वसाधारणले भेट्ने समय मिलाउन क्यूआर कोड स्क्यान गर्नुपर्ने, रिपोर्...
प्रधानन्यायाधीश चोलेन्द्रशमशेर जबराविरुद्ध १४ न्यायाधीशले विद्रोह गरेपछि संविधानविद्हरूले प्रधान्यायाधीशले विवेक प्रयोग गरेर राजीनामा दिनुपर्ने बताएका छन् ।
संविधानविद् समेत रहेका वरिष्ठ अधिवक्ता डा। विपिन अधिकारीले यस्तो अवस्थामा प्रधानन्यायाधीश जबराले विवेक प्रयोग गरेर आफैं बहिर्गमनको बाटो रोज्नु नै उपयुक्त हुने बताउँछन् ।
‘उहाँको नेतृत्वलाई आफ्नै न्यायाधीशहरूले स्वीकार नगर्ने स्थिति आइसकेपछि उहाँले विवेक प्रयोग गरेर राजीनामा गर्नु नै उपयुक्त हुन्छ,’ अधिकारीले लोकान्तरसँग भने, ‘उहाँ धेरै अप्ठ्यारो स्थितिमा आइसक्नु भएको छ, अहिले न्यायाधीशहरू उहाँसँग जोडिन चाहिरहनु भएको छैन । भोलि कानून व्यवसायीहरू उहाँसँग जोडिन नचाहने स्थिति समेत आउने हुनाले उहाँले अब आफ्नो विवेक प्रयोग गरेर राजीनामा गर्नु नै उपयुक्त निकास हुन्छ ।’
जबराको नाममा धेरै विवाद क्रमशः बढ्दै गएपछि उनी मातहत रहेका न्यायाधीशहरूले नै नेतृत्व स्वीकार गर्न नसक्ने स्थितिमा तोकिएको इजलास नै न्यायाधीशले बहिष्कार गर्ने हुनाले अदालतको थप बदनामी हुने उनले बताए ।
‘उहाँले विवेक प्रयोग गरेर बहिर्गमन नगर्दा भोलि प्रतिनिधिसभामा उहाँ विरुद्ध महाभियोगको प्रस्ताव दर्ता हुन सक्छ होला, त्यसैले त्यो हुनु भन्दा अगाडि नै उहाँले विवेक प्रयोग गरेर निकास दिनुपर्छ,’ अधिकारीले थपे, ‘अदालतको थप बदनामी हुन नदिन पनि उहाँले त्यो बाटो रोज्नु पर्छ ।’
न्यायाधीशहरूले भोलि (सोमवार)का लागि बोलाइएको 'फुल कोर्ट' बैठक बहिष्कार गरेर छुट्टै बैठक बस्ने निर्णयसमेत गरेका छन् ।
यस्तो अवस्थामा राजीनामा एक मात्र विकल्प भएको संविधानविद् तथा पूर्व महान्यायाधिवक्तासमेत रहेका वरिष्ठ अधिवक्ता डा। युवराज संग्रौला बताउँछन् ।
‘१४ जना न्यायाधीशहरूले फुल कोर्टको बैठक बहिष्कार गर्नु भनेको प्रधानन्यायाधीशले आफ्नो पदीय हैसियत र पदीय मर्यादा गुमाउनु पनि हो,’ संग्रौलाले लोकान्तरसँग भने, ‘तर जबराको राजीनामाले मात्र न्यायालयमा शुद्धीकरण हुँदैन ।’
तत्कालीन प्रधानन्यायाधीश शुशीला कार्कीको पालादेखि हालसम्म नियुक्त भएका पकेटका सबै न्यायाधीशहरूले राजीनामा गरे मात्र न्यायालयमा रहेको विकृतिको अन्त्य हुने उनको भनाइ छ । ‘अहिले देखिएको स्थिति शुरूवात मात्र हो, पकेटबाट नियुक्त गरिएका न्यायाधीशहरूलाई नहटाएसम्म क्लाइमेक्सको स्थिति आउँदैन, यस्तो समस्या रहिरहन्छ,’ उनले भने ।
आइतवार बसेको बैठकमा न्यायाधीशहरू दीपक कार्की, मीरा खड्का, हरिकृष्ण कार्की, विश्वम्भर श्रेष्ठ, प्रकाशमानसिंह राउत, आनन्दमोहन भट्टराई र सुष्मालता माथेमा सहभागी थिए ।
यसै गरी न्यायाधीशहरू प्रकाश ढुंगाना, कुमार रेग्मी, हरि फुँयाल, बमकुमार श्रेष्ठ, टंक मोक्तान, मनोज शर्मा र नहकुल सुवेदी पनि आजको बैठकमा सहभागी भएका थिए ।
बैठकमा उपस्थित कुनै पनि न्यायाधीशले राणाको डिफेन्ड नगरेको स्रोतले बतायो ।
न्यायाधीशहरू अनिल सिन्हा, सपना प्रधान मल्ल, तेजबहादुर केसी र कुमार चुडाल उपत्यकाबाहिर छन् भने ईश्वरप्रसाद खतिवडा देशबाहिर रहेकाले उपस्थित हुन नसकेको स्रोतको दाबी छ ।
अनुपस्थित रहेकामध्ये पनि अधिकांशबाट साथ पाउने अवस्था नरहेकाले राणा सर्वोच्चमा एक्लिएका छन् ।
शिक्षा, विज्ञान तथा प्रविधि मन्त्री सुमना श्रेष्ठ सिंहदरबारका कर्मचारीबीच 'गसिप'को विषय बनेकी छन् । छिनछिनमा मिटिङ गर्नुपर्ने, सर्वसाधारणले भेट्ने समय मिलाउन क्यूआर कोड स्क्यान गर्नुपर्ने, रिपोर्...
सूचनाको हकसम्बन्धी ऐन, २०६४ बमोजिम प्रधानमन्त्रीका सचिवालय सदस्यहरूको नियुक्ति तथा पारिश्रमिकसम्बन्धी विवरण उपलब्ध गराएबापत प्रधानमन्त्री कार्यालयकी सूचना अधिकारी कविता फुयाँलको जिम्मेवारी खोसिएको छ । करिब ५ वर्...
अख्तियार दुरुपयोग अनुसन्धान आयोगले क्षेत्रीय शिक्षा निर्देशनालय हेटौंडाका तत्कालीन कामु निर्देशक दिनेशकुमार श्रेष्ठसहित ७ जनाविरुद्ध भ्रष्टाचार मुद्दा दायर गरेको छ । सार्वजनिक सम्पत्तिको हानिनोक्सानी गरी भ्रष्टाचार...
त्रिभुवन विमानस्थल भन्सार बाहिरबाट गत साउन २ गते समातिएको झण्डै ६१ केजी सुन तस्करीमा संलग्न विचौलिया जीवन चलाउनेले प्रहरी हिरासतबाट छुट्न ६० लाखको बार्गेनिङ भएको छानबिन समितिलाई बयान दिएका छन् । ३० लाख रुपैय...
राष्ट्रिय सतर्कता केन्द्रको परिपत्रविपरीत कर्मचारीको कोटामा खानेपानीमन्त्री महिन्द्र राय यादवका छोरा सुनिल अधिकारी यादव विदेश भ्रमणमा गएका छन् । मन्त्री यादवका छोरा सुनिल भारतको उडिसा प्रदेशमा कर्मचारीको कोटामा ...
नेपालको संविधान पछिल्लो जनगणनाका आधारमा सबै घरधुरी वा घरबासमा नि:शुल्क उपलब्ध गराउन सर्वोच्च अदालतले दिएको आदेशको पूर्णपाठ सार्वजनिक भएको छ । अधिवक्ता विकास भट्टराईले दिएको रिटमा न्यायाधीशद्वय सुष्मालता माथ...
हामी १५औं अन्त्य गरेर १६औं योजनाको तयारीमा जाँदै छौं । दलका शीर्ष नेताबीच १६औं योजनाको विषयमा छलफल भएको छ । १५औं योजनाको असफलता र नमिलेका कुरालाई १६औं मा सुधार्छौं । हाम्रो गन्तव्य कहाँ हो भन्ने संविधानले ...
सच्चा लोकतन्त्रमा सिमान्तमा रहेको नागरिकले पनि यो देश मेरो हो भन्ने अनुभूति गर्न सक्नेछ- माहात्मा गान्धी । माथि गान्धीको भनाइ किन उद्धृत गरिएको हो भने नयाँ वर्षको आगमन भैसकेको छ र २०८० को बिदाइ बडो हर्षपूर्वक...
एक दिन काम विशेषले नयाँ सडकतिर गएको थिएँ, मोबाइल टिङटिङ गर्यो । हेरेँ पुराना मित्र जयदेव भट्टराई, सम्पादक मधुपर्क (हाल अवकाश प्राप्त) ले सम्झेका रहेछन् । हामी दुई लामो समयसम्म सँगै रह्यौँ, कहिले गोरखापत्र...