पुस १०, २०८०
मोहन वैद्यले नेतृत्व गरेको नेकपा (माओवादी क्रान्तिकारी)ले गरेको लालमार्च तथा सभामा कुर्सी हानाहान भएको छ । क्रान्तिकारीले १३१ औं माओ दिवसका अवसरमा काठमाडौंको शान्ति वाटिकामा गरेको मार्चपासमा कुर्सी हानाहान...
चितवनमा हुने नेकपा एमालेको १०औं राष्ट्रिय महाधिवेशनका प्रतिनिधि चयन गर्दा केन्द्रीय स्तरका नेताहरूले हस्तक्षेप गर्न थालेका छन् ।
कात्तिक ८ गते नेकपा एमाले अध्यक्ष केपी शर्मा ओलीले विराटनगर पार्टी कार्यालयमा पालिकाको अधिवेशन तथा प्रतिनिधि छनोट गर्दा सर्वसम्मत गर्न निर्देशन दिएका थिए ।
अध्यक्ष ओलीले पार्टीभित्र अर्काे गुट छैनन् भन्ने सन्देश दिनका लागि भए पनि निर्वाचन नगरी सर्वसम्मत गर्न निर्देशन दिए ।
अध्यक्ष ओलीको निर्देशन मान्दै केन्द्रीय सदस्य गुरु बराल, विनोद ढकाल, जीवन घिमिरे, भानुभक्त ढकाल, लालबाबु पण्डित लगायतका नेताले सहमति जुटाउने प्रयासका नाममा हस्तक्षेप गर्न खोजेको एमालेका जिल्लास्तरका नेताहरूको गुनासो छ ।
तर केन्द्रीय नेताहरूले सहमतिको प्रयास मात्रै गरेको बताएका छन् । ‘हामीले चुनावी प्रक्रियामा नगई सहमति गरौं भनेर मात्रै भनेका हौं,’ नेकपा एमालेका पोलिटब्युरो सदस्य लालबाबु पण्डितले भने, ‘हस्तक्षेप गरेका छैनौं ।’ उनले मोरङका ६ निर्वाचन क्षेत्रका ४० जना आकांक्षी तथा कार्यकर्ताहरूसँग छलफल मात्रै गरेको प्रतिक्रिया दिए ।
महाधिवेशन प्रतिनिधिका आकांक्षीहरूले भने केन्द्रका नेताहरूले हस्तक्षेप गरेर नाम नै तोकेर फलाना–फलानालाई प्रतिनिधिमा लैजानुपर्छ भन्न थालेका आरोप लगाएका छन् ।
एक आकांक्षीले भने पहिला माधव नेपालनिकट रहेकाहरूलाई प्रतिनिधि छनोटमै ‘क्लीन स्वीप’ पार्ने गरी केन्द्रका नेता लागेका आरोप लगाए । उपाध्यक्ष भीम रावलले अध्यक्ष पदमा उठ्ने संकेत गरेपछि प्रतिनिधि छनोटमा ओली निकटका नेताहरूलाई मात्रै लैजाने तयारीमा एमाले मोरङ रहेको स्रोतले जनाएको छ ।
‘केन्द्रका नेताहरूलाई हामीले निर्देशन दिने कुरा भएन,’ एमाले मोरङका अध्यक्ष ऋषिकेश पोख्रेलले भने, ‘उहाँहरूले पनि हस्तक्षेप गर्नुभएको भन्ने हामीलाई सूचना आएको छैन, सकभर सहमतिमै नाम टुंग्याउने हाम्रो प्रयास हो । सहमति नभए निर्वाचन प्रक्रियाबाट भए पनि टुग्याउनुपर्ने बाध्यता रहेको छ ।’
प्रतिनिधि छनोटका लागि बिहीवार नेकपा एमाले मोरङको पार्टी कार्यालयमा बिहान १०–२ बजेसम्म मनोनयन दर्ताको समय निर्धारण गरिएको छ । मनोनयन दर्ताका लागि १ हजार रुपैयाँ शुल्क निर्धारण गरिएको छ ।
प्रतिनिधि चयनका लागि कात्तिक २७ गते निर्वाचन मिति तोकिएको छ । मोरङका ६ वटा निर्वाचन क्षेत्रमा २४ वटा मतदान केन्द्र तोकिसकेको एमाले मोरङले जनाएको छ ।
आगामी मंसिर १०–१२ गतेसम्म एमालेको राष्ट्रिय महाधिवेशन चितवनमा हुँदैछ ।
मोहन वैद्यले नेतृत्व गरेको नेकपा (माओवादी क्रान्तिकारी)ले गरेको लालमार्च तथा सभामा कुर्सी हानाहान भएको छ । क्रान्तिकारीले १३१ औं माओ दिवसका अवसरमा काठमाडौंको शान्ति वाटिकामा गरेको मार्चपासमा कुर्सी हानाहान...
नेकपा (एकीकृत समाजवादी)का अध्यक्ष माधवकुमार नेपालले कोशी प्रदेशमा सर्वदलीय सरकारको आवश्यकता रहेको बताएका छन् । विराटनगर विमानस्थलमा शनिवार सञ्चारकर्मीहरूसँग कुराकानी गर्दै पूर्वप्रधानमन्त्रीसमेत रहेका न...
मेडिकल व्यवसायी दुर्गा प्रसाईं र नेकपा (एमाले)का नेता महेश बस्नेतले काठमाडौं उपत्यकामा बिहीवार छुट्टाछुट्टै प्रदर्शन गर्ने भएपछि सुरक्षा निकायहरू यतिबेला ‘हाई अलर्ट’मा छन् । नेपाल प्रहरीले प्...
नेकपा एमालेको भ्रातृ संगठन राष्ट्रिय युवा संघ नेपाल लुम्बिनी प्रदेश कमिटीको अध्यक्षमा रुपन्देही देवदहका सुरज खरेल निर्विरोध निर्वाचित भएका छन् । प्रथम अधिवेशनबाट उनी अध्यक्ष पदमा सर्वसम्मत निर्वाचित भएका हुन् । ...
दशैं वरिपरि मुलुकमा केही राजनीतिक परिदृश्यहरू देखिए । दशैंको रौनकसँगै पूर्वमा कोशीको छालले केही तरंग ल्यायो । कोशी प्रदेशमा कांग्रेसभित्रको ‘अर्ध विद्रोह’ले पाँच दलीय गठबन्धनमात्रै धर्मराएन, कांग्र...
नेपाली कांग्रेसका केन्द्रीय सदस्य तथा सांसद डा. चन्द्र भण्डारीले पार्टी सभापति शेरबहादुर देउवाले अब नेतृत्व छाड्नुपर्ने बताएका छन् । पार्टीको लुम्बिनी प्रदेश सम्मेलनमा शनिवार बोल्दै भण्डारीले देउवाले अब...
ललितपुरको गोदावरीस्थित सनराइज हलमा नेकपा (एमाले)का दुई महत्वपूर्ण कार्यक्रम भए । एमालेको प्रथम विधान महाधिवेशन (२०७८ असोज १५ र १६ गते) सनराइज हलमै भएको थियो । विधान महाधिवेशनले विभाजनदेखि चौतर्फी घेराबन्दी...
हामी १५औं अन्त्य गरेर १६औं योजनाको तयारीमा जाँदै छौं । दलका शीर्ष नेताबीच १६औं योजनाको विषयमा छलफल भएको छ । १५औं योजनाको असफलता र नमिलेका कुरालाई १६औं मा सुधार्छौं । हाम्रो गन्तव्य कहाँ हो भन्ने संविधानले ...
सच्चा लोकतन्त्रमा सिमान्तमा रहेको नागरिकले पनि यो देश मेरो हो भन्ने अनुभूति गर्न सक्नेछ- माहात्मा गान्धी । माथि गान्धीको भनाइ किन उद्धृत गरिएको हो भने नयाँ वर्षको आगमन भैसकेको छ र २०८० को बिदाइ बडो हर्षपूर्वक...