×

X
Nic Asia
Marvel
Khukuri

एमाले महाधिवेशन

एमालेमा ओलीको उत्तराधिकारी खोजी : को बन्दैछ शक्तिशाली महासचिव ?

काठमाडाैं | मंसिर ७, २०७८

NTC
Argakhanchi Cement
Premier Steels
British college
TVS INSIDE

दशौं राष्ट्रिय महाधिवेशनबाट पार्टी नेतृत्वमा वर्तमान अध्यक्ष केपी शर्मा ओली दोहोरिने निश्चित जस्तै भएपछि एमालेमा धेरैजसो नेता/कार्यकर्ताको ध्यान महासचिवमा केन्द्रित भएको छ । 

DHARA
LAxmi BAnk

यद्यपि, एमालेका उपाध्यक्ष भीम रावलले अध्यक्षमा उम्मेदवारी दिने घोषणा गरेका छन् । ओली ‘प्राधिकार’ एमालेमा रावलको जीत निस्कने सम्भावना नगण्य छ । 


Advertisment
NMB BANK
RMC TANSEN
NIC ISLAND BOX

ओली आगामी पाँच वर्ष पार्टी नेतृत्वका लागि आफू अनुकूलको टीम बनाउने योजनामा छन् । त्यसका लागि उनले सर्वसम्मतिको विकल्प रोजेका छन् । 

महाधिवेशनमा निर्वाचनबाट नभई सहमतिबाट नेतृत्व चयन गर्ने तयारी भएपछि ओलीले कसलाई महासचिव बनाउलान् भन्ने चासो एमाले कार्यकर्तामाझ छ । 


Advertisment
Bizbazar
Saurya island

एमालेमा वरीयताको हिसाबले महासचिव सातौं पद हो तर, जिम्मेवारी र कार्यकारी हैसियतमा महासचिव अध्यक्षपछिको महत्त्वपूर्ण पद हो । महासचिवलाई समग्र संगठन व्यवस्थित गर्ने र आवश्यक पर्दा प्रशासनिक डण्डा चलाउने अधिकार पनि हुन्छ ।

एमालेमा अहिले जो व्यक्ति महासचिव बन्छ, त्यही व्यक्ति ११ औं महाधिवेशनमा पार्टी नेतृत्वको दाबेदार हुन सक्ने सम्भावना पनि उत्तिकै छ । त्यसो हुँदा पनि दशौं महाधिवेशनबाट को महासचिव बन्ला भन्ने कार्यकर्ताले चासोपूर्वक हेरेका छन् ।

Vianet communication
IME BANK INNEWS

अहिले एमालेमा मुख्यगरी विष्णु पौडेल, सुरेन्द्र पाण्डे र शंकर पोखरेल महासचिवका दाबेदार छन् । त्यसबाहेक, पृथ्वीसुब्बा गुरूङ पनि महासचिवको लबिङमा छन् ।

ओली निकट एमाले नेताहरू भने ओलीले महासचिवको जिम्मेवारी कसलाई दिने भन्नेबारे व्यक्तिगत रूपमा निर्णय गरिसकेको बताउने गरेका छन् । 

ओलीनिकट एक नेताले भने, ‘अध्यक्षले महासचिवको बारेमा निर्णय गरिसक्नुभएको छ । सहमतिमै नेतृत्व चयन हुने हुँदा उहाँले भनेकै व्यक्ति महासचिव हुन्छन् । एमाले कार्यकर्ताले पनि को महासचिव भन्ने आकलन गरिसकेका छन् ।’

पौडेलको सम्भावना प्रबल 

एमालेमा उपमहासचिवको जिम्मेवारीमा रहेका विष्णु पौडेल संगठन विभाग प्रमुख पनि हुन् । एमाले अध्यक्ष ओलीका विश्वास पात्र समेत रहेका पौडेलले पार्टीमा समन्वयकारी नेताको पहिचान बनाएका छन् । 

२०७४ मा एमाले र माओवादी केन्द्र एकता गरेर नेकपा बनाउने बेलामा ओलीको सबैभन्दा निकट रहेर काम गरेका थिए, विष्णु पौडेलले । त्यसबेला ओली र प्रचण्ड दुवैको विश्वास जितेका पौडेल दुई पार्टी मिलेर बनेको विशाल पार्टी नेकपाको महासचिव भए । एमालेको महाधिवेशनबाट निर्वाचित महासचिव ईश्वर पोखरेल पछाडि परे । 

त्यतिमात्रै होइन, एमालेका तत्कालीन उपाध्यक्षहरू युवराज ज्ञवाली, अष्टलक्ष्मी शाक्य, भीम रावलमध्ये कोही पनि नेकपा सचिवालयमा समेत पुग्न नसक्दा पौडेलले महासचिवको भूमिका पाए । ओलीले विश्वास गरेको र पार्टी एकतामा योगदान पुर्‍याएका कारण उनी महासचिव बन्न सकेका थिए ।

विष्णु पौडेलको अर्को क्षमता छ, नेता कार्यकर्तासँग चाँडो घुलमिल हुन सक्ने । उनले नेताको पनि चाँढै विश्वास जित्न सक्छन् । नेकपाकालीन समयमा र अहिले एमालेमा पनि संगठन विभाग प्रमुख भएर काम गरेका कारण पौडेलले देशभरका नेता कार्यकर्तामाझ सम्बन्ध बनाएका छन् । संगठन विभागमा काम गर्दा उनको काममाथि कसैले प्रश्न उठाउन सकेको छैन ।

पार्टीमा मात्रै होइन, सरकारमा पनि उनले महत्त्वपूर्ण जिम्मेवारी सम्हालिसकेका छन् । पौडेल रक्षा र अर्थसहित उपप्रधानमन्त्री भइसकेका छन् । उनी दुईपटक अर्थमन्त्री हुँदा ल्याएको बजेट लोकप्रिय बन्यो । 

एमालेको पहिलो विधान महाधिवेशनमा एमालेको विधान संशोधन गरी आगामी पार्टी संरचना कस्तो बनाउने भन्ने निर्धारण गर्न उनले महत्त्वपूर्ण भूमिका निर्वाह गरेका थिए ।

२०७४ को निर्वाचनमा पौडेलले रूपन्देहीको निर्वाचन क्षेत्र नम्बर– २ बाट २२ हजारभन्दा बढी मत अन्तरले प्रतिनिधि सभा सदस्य जितेका थिए । २०७० को चुनावमा पौडेल तत्कालीन माओवादीका उपाध्यक्ष डा. बाबुराम भट्टराईलाई चुनाव हराएर चर्चित भएका थिए । 

एमालेमा अध्यक्ष ओली र नेता माधव नेपालबीचको अन्तर्विरोध समाधान गर्न पौडेलले महत्त्वपूर्ण भूमिका निर्वाह गरेका थिए । विवाद समाधान सुझाव कार्यदलमा बसेर उनले दुवै नेतालाई मिलाउने प्रयास गरे । एमालेमा चर्चित १० बुँदे सहमति पौडेल अर्थमन्त्री हुँदा उनकै कार्यकक्षमा तयारी भएर हस्ताक्षर भएको थियो ।

त्यसबाहेक, माधव नेपाल खेमाले एमाले छाडेर नयाँ पार्टी बनाउँदा धेरैजसो नेता कार्यकर्तालाई माधव नेपाल पक्षमा जान पौडेलले नै रोकेका थिए । 

एमाले विभाजनको अन्तिम समयसम्म पनि पौडेलले माधव नेपालको निवासमा गएर पटक–पटक छलफल गरेर विवाद समाधानका लागि पहल गरेका थिए । भलै, यसमा भने उनी सफल हुन सकेनन् ।

पार्टीको संगठन विस्तार र आवश्यक पर्दा आर्थिक व्यवस्थापनमा समेत पौडेलले सक्षमता देखाएका कारण ओली पौडेलसँग अनुगृहीत रहेको ओलीनिकट नेताहरू नै बताउँछन् । 

पौडेलले पनि भविष्यमा एमालेको नेतृत्व सम्हाल्ने योजनासहित रणनीतिक हिसाबले काम गरिरहेका छन् ।

संगठन र संसदीय दुवै क्षेत्रमा सफलता हासिल गरेका पौडेल पार्टीमा अध्यक्षको असाध्यै सानिध्यमा रहेर काम गरिरहेका छन् ।

महाधिवेशनबाट सहमतिमा महासचिव बनाउँदा होस् वा निर्वाचनबाटै महासचिव छान्दा, दुवैमा पौडेल एमाले महासचिव बन्ने सम्भावना प्रबल छ ।

पोखरेललाई ओलीसँगै राष्ट्रपति साथ !

एमाले अध्यक्ष ओलीका अर्का विश्वासपात्र शंकर पोखरेल एमालेभित्र जनताको बहुदलीय जनवाद (जबज)को व्याख्याता हुन् । ओली खेमामा सबैभन्दा तार्किक र वैचारिक नेताको रूपमा पोखरेललाई लिइन्छ । 

पोखरेलसँग २०६६ मा माधव नेपाल प्रधानमन्त्री हुँदा सूचना तथा सञ्चार मन्त्री र २०७४ मा लुम्बिनी प्रदेशको मुख्यमन्त्री भएर राजकीय जिम्मेवारी निर्वाह गरेको अनुभव छ ।

एमालेको नवौं महाधिवेशनमा पोखरेलले घनश्याम भुसालसँग उपमहासचिवमा हारेका थिए । त्यसयता उनी एमालेको स्थायी समिति सदस्य छन् । 

तत्कालीन नेकपामा अध्यक्षद्वय ओली र प्रचण्डबीच खटपट हुँदा दुई नेतालाई मिलाउन पोखरेलले भरमग्दुर प्रयास गरेका थिए । त्यसबेला दुई नेताको विवाद समाधान गराउन उनी हरेक साता लुम्बिनीबाट काठमाडौं धाइरहन्थे । उनले ओली र प्रचण्डसँग पटक–पटक एक्लाएक्लै भेटवार्ता गरेर विवाद मिलाउने प्रयास गरेका थिए ।

पौडेल र पोखरेल दुवैको राजनीतिक भूगोल भने लुम्बिनी प्रदेश हो । पौडेल बुटवल र पोखरेल दाङबाट निर्वाचन जितेका हुन् । लुम्बिनी प्रदेशको राजधानी तोक्ने सन्दर्भमा भने यी दुवै नेता आमनेसामने भएका थिए । 

पौडेल बुटवलमा राजधानी राख्न चाहन्थे भने पोखरेल दाङ लैजान चाहन्थे । अन्ततः राजधानी तोक्ने विषयमा पोखरेल नै सफल भए । पोखरेललाई ओली र प्रचण्ड दुवैको सहयोग भएकै कारण उनले लुम्बिनी प्रदेशको राजधानी दाङ लैजान सफल भएका थिए ।

एमालेको आन्तरिक राजनीतिमा बलियो ‘फ्याक्टर’ बनेकी राष्ट्रपति विद्यादेवी भण्डारीको बलियो साथ पोखरेललाई छ । महाधिवेशनबाट सहमतिमा नेतृत्व चयन गर्दा पोखरेलले राष्ट्रपति कार्ड प्रयोग गर्न पनि सक्छन् ।

एमालेको यो महाधिवेशनबाट अध्यक्ष ओली पार्टीमा आफ्नो उत्तराधिकारी पनि तयार गर्न चाहन्छन् । एमाले वृत्तमा ओलीको उत्तराधिकारीको रूपमा पौडेल र पोखरेललाई लिने गरिन्छ । 

त्यसो हुँदा ओलीले पोखरेललाई पार्टीमा महत्त्वपूर्ण जिम्मेवारी दिन सक्छन् । तर, निर्वाचनबाट महासचिव छनौट गर्दा पोखरेल महासचिव बन्ने सम्भावना भने कम देखिन्छ । 

पाण्डेको निरन्तर लबिङ  

एमालेमा स्थायी कमिटी सदस्य रहेका सुरेन्द्र पाण्डे नवौं महाधिवेशनमा ६ मतका कारण महासचिव बन्न पाएनन् । त्यसबेला ईश्वर पोखरेलले महासचिव जिते । नवौं महाधिवेशनमा एमालेभित्र आफ्नो बलियो पकड रहेको भन्ने चाहिँ प्रमाणित गर्न सफल भए । 

तत्कालीन नेकपामा अध्यक्ष ओली र प्रचण्ड तथा माधव नेपालबीचको अन्तरविरोधमा प्रचण्ड– नेपाललाई साथ दिएका पाण्डे झण्डै नेकपाको महासचिव बनेका थिए । केपी ओलीले पुस ५ मा संसद् विघटन गरेपछि नेकपा दुई समूहमा विभाजित भएको थियो । 

प्रचण्ड–नेपाल समूहले ओलीलाई पार्टीबाट निकालेर प्रचण्ड र नेपाललाई अध्यक्ष घोषित गरेको थियो । त्यसबेला पार्टीको महासचिवको रूपमा पाण्डेको चर्चा थियो । 

तर, पार्टीभित्र उनको नाममा सहमति नबन्दै फागुन २३ मा सर्वोच्च अदालतको फैसलाबाट नेकपा साविकको एमाले र माओवादी केन्द्रमा विभाजित भयो । 

त्यसपछि पनि ओलीसँग नेपाल खेमाले संघर्ष जारी राखेको थियो । त्यसबेला पाण्डे माधव नेपालको साथमा थिए । त्यसबेलाको भेला तथा बैठकमा पाण्डेले नै महासचिवको भूमिका निर्वाह गरेका थिए । बैठक सञ्चालन र भेलाको उद्घोष पाण्डेले नै गर्ने गरेका थिए । 

माधव नेपाल समूह एमालेबाट विभाजित भएर जाँदा पाण्डेले भने मूल पार्टी एमाले नै रोजे । त्यसयता भने उनी निरन्तर अध्यक्ष ओलीसँग सम्बन्ध सुमधुर बनाउने प्रयासमा छन् ।

पाण्डे अहिले एमालेको दशौं राष्ट्रिय महाधिवेशन मूल व्यवस्थापन कमिटीको सह–संयोजक र जनपरिचालन कमिटीको संयोजक भएर काम गरिरहेका छन् । उनको निर्वाचन क्षेत्र भएको चितवनमा नै हुन लागेको एमालेको महाधिवेशन सफल र भव्य बनाउन उनी खटिरहेका छन् । 

यसअघि महाधिवेशनको उम्मेदवार भइसकेकाले त्यसभन्दा तलको पदमा असहज हुने बताउँदै आएका पाण्डे महाधिवेशनबाट महासचिव बन्ने तीव्र अभिलाषासहित उनले अध्यक्षको सानिध्य खोजिरहेका छन् । सञ्चारमाध्यमहरूमा अन्तर्वार्ता दिएर एमाले नेतृत्वमा अहिले ओलीको विकल्प नभएको पाण्डेले बताउन थालेका छन् । तर, केही अघिको विगत पल्टाउँदा पनि पाण्डे ओलीलाई धुरन्धर गाली गरिरहेका भेटिन्थे । 

एमालेमा पहिले माधव नेपाल खेमालाई निरन्तर पेलेको आरोप ओलीमाथि छ । यो आरोपलाई चिर्न पार्टीमा कसैलाई पनि काखा र पाखा गरिएको छैन भन्ने सन्देश दिन पनि ओलीले उनीहरूमध्ये कसैलाई मुख्य जिम्मेवारीमा ल्याउन आवश्यक छ । पाण्डेलाई महासचिव बनाएर ओलीलाई पार्टीमा सबै पक्षलाई समेटेको सन्देश दिने अवसर पनि छ । 

यसबाहेक, एमालेका सचिवमध्येका एक पृथ्वीसुब्बा गुरूङले पनि महासचिवमा दाबी गरेका छन् । उनले अध्यक्ष ओलीलाई भेटेरै महासचिवको रूपमा उनले चाहेको जस्तो पार्टी बनाउन योगदान गर्न सक्ने भएकाले अवसर दिन भनेका छन् । तर, उनका निकटहरू भने उपाध्यक्ष वा उपमहासचिव पद पाउँदा गुरूङले महासचिवको दाबी सजिलै छाड्न सक्ने बताउँछन् । 

Maruti inside
TATA Below
NLIC
ncc inside
असोज ७, २०७९

लोकतान्त्रिक समाजवादी पार्टी (लोसपा) नेपाल र नेकपा एमालेबीच गठबन्धनका लागि दुई साताअघि प्रयास भएपनि त्यसमा खासै प्रगति हुन सकेको छैन । गठबन्धनका लागि एमाले अध्यक्ष केपी शर्मा ओली र लोसपा अध्यक्ष महन्थ ठाकुरबी...

असोज ४, २०७९

अघिल्लो साता एसिया र युरोपको बीचमा रहेको ककेसस क्षेत्रका दुई मुलुकहरूबीच चलेको युद्धमा लगभग ३०० जनाको ज्यान गएको बताइएको छ । कुनै बेलामा सोभियत संघअन्तर्गत रहेका आर्मेनिया र अजरबैजानबीच छोटो अवधिको लडाइ...

असोज ९, २०७९

भोलिदेखि बहुसंख्यक नेपालीहरूको मुख्य चाड दशैं शुरू हुँदैछ । दशैंको घटस्थापनासँगै फेस्टिभ मुड शुरू हुन्छ । देशको खस्किँदो अर्थतन्त्र र त्यसले पारेको प्रभावका कारण दशैंको समयमा पनि बजार चलायमान छैनन् । मान...

असोज ५, २०७९

युक्रेनको पूर्वी भागमा रुसी नियन्त्रणमा रहेका डोनबासका दुई क्षेत्र र दक्षिणी भागमा रहेका खर्सन तथा जापोरिजा क्षेत्रका रुससमर्थक अधिकारीहरूले जनमतसंग्रह गराउने निर्णय सार्वजनिक गरेपछि पश्चिमविरुद्ध रुसको प्रत्याक्रमण ...

असोज ११, २०७९

आगामी चुनावको टिकट बाँडफाँटको विषयलाई लिएर सत्ताको नेतृत्व गरिरहेको दल नेपाली कांग्रेसमा कलह शुरू भएको छ ।  कांग्रेसको संस्थापन समूहले हेपाहा प्रवृत्ति देखाएको भन्दै संस्थापन इतरपक्ष आन्दोलनमै उत्रिएको...

असोज ६, २०७९

अमेरिकाका राष्ट्रपति जो बाइडनले पुनः एकपटक ताइवानमाथि चीनको आक्रमण भएमा अमेरिकाले ताइवानको प्रतिरक्षाका लागि अमेरिकी सैनिक पठाउने बयान दिएका छन् ।  सीबीएस टीभीसँगको अन्तर्वार्तामा आइतवार (१८ सेप्टेम्ब...

मासु खाने पर्व मात्रै हो र दशैं ?

मासु खाने पर्व मात्रै हो र दशैं ?

असोज १५, २०७९

गाउँको दशैं र शहरको दशैं एउटै भए पनि मनाउने ढंग अलग–अलग छ । शहरमा दशैंमा न पिङ हुन्छ, न आत्मियता । गाउँमा परदेशबाट फर्कनेको लर्को, बोका, खसी र च्यांग्राको आवाज, धानका बाला लहलह झुलेका शितल हावा चले...

कर्णालीको कष्टपूर्ण सडक सञ्जाल : दुर्गमका जनताले सुरक्षित यात्रा गर्न नपाउने ?

कर्णालीको कष्टपूर्ण सडक सञ्जाल : दुर्गमका जनताले सुरक्षित यात्रा गर्न नपाउने ?

असोज १४, २०७९

यो वर्ष दशैंको मौसम शुरू भैसक्यो तर घर (जुम्ला) जान न सडक मार्ग गतिलो छ, न त हवाइमार्गको टिकट सहजै पाइन्छ । सधैँ झैं हुन्छ कि भनेर ‘झुक्याउने’ एयरलाइन्स एजेन्सी एजेन्ट मोबाइल फोन अफ हुन थालिस...

रवीन्द्र मिश्रको हाँसो लाग्दो भाषण सुनेपछि...

रवीन्द्र मिश्रको हाँसो लाग्दो भाषण सुनेपछि...

असोज १३, २०७९

बीपी कोइरालाको आदर्श मैले बोकेको छु भन्दै चुनावको मुखैमा रवीन्द्र मिश्र राप्रपा नेपालको हलो तान्न आइपुगेका छन् । पशुपति शमशेर राणा जत्तिकै उमेरसम्म  बाँचेर भए पनि देशको रक्षा गर्ने अठोट लिएका मिश्रले देशमा...

ad
x