दक्षिण कोरियाले कुकुरको मासु खाने प्रथालाई अन्त्य गर्ने विषयमा विचार गरिरहेको छ । 

राष्ट्रपति मून जे–इनले शताब्दियौंदेखि चलिरहेको यस अभ्यासलाई अन्त्य गर्न आह्वान गरेका छन् । 

दक्षिणमा वर्षको लगभग १० लाख कुकुर खाने गरिएको अनुमान छ । तर हालैका दिनमा धेरै मानिसले कुकुर पाल्न थालेपछि त्यसको मासु खान घिनाउने गरेका छन् । 

कुकुरको मासु खाने कामलाई गैरकानूनी घोषित गर्नका लागि देशको कृषि मन्त्रालयले सिफारिश लिन एक कार्यदल घोषणा गरेको छ । 

अधिकारीहरूले कुकुर पाल्ने ठाउँ, रेस्टुराँ र अन्य स्थानमा गएर सूचना संकलन गर्ने अनि जनताको विचार सुन्ने काम गर्नेछन् । 

राष्ट्रपति मून आफैं कुकुरप्रेमी भएकाले यस परम्परागत अभ्यासलाई अन्त्य गर्नुपर्ने पक्षमा छन् । यसले दक्षिण कोरियाको अन्तर्राष्ट्रिय बदनामी भइरहेको उनी बताउँछन् । 

अनौपचारिक रूपमा जनताहरूले कुकुरको मासु खाने विषयमा नकारात्मक धारणा राख्ने गरेका छन् । उनीहरूलाई कानूनतः प्रतिबन्ध लगाउन पनि चाहँदैनन् । 

सिफारिश कार्यदलमा अधिकारीहरू, नागरिक विज्ञहरू र सम्बन्धित संस्थाहरू रहनेछन् । उनीहरूले ठोस सिफारिश दिने अपेक्षा छ ।