×

X
Dabur
Nic Asia
Marvel

भारत टुक्य्राउनका लागि एक चिनियाँले बनाएका थिए यस्तो योजना

काठमाडाैं | मंसिर १०, २०७८

TVS INSIDE

भारत र चीनबीच तनावको स्थिति कायम रहँदा दुवै पक्षले एकअर्काका विरुद्ध गरेका पुराना चर्का कुराहरू अहिले पनि चर्चा हुने गरेका छन् । 

IME BANK INNEWS
morang Auto yamaha

सोहु नामक वेबसाइटमा चीनले सन् २०६० सम्म ६ वटा युद्ध लड्ने र त्यसक्रममा भारतको अरुणाचल प्रदेश पनि हात पार्ने तर्क गरिएको पुरानो लेखको चर्चा लोकान्तरमा पनि गरिएको थियो ।


Advertisment
NMB BANK
RMC TANSEN
Saurya island

त्यसभन्दा पनि पुरानो अर्थात् आजभन्दा १२ वर्षअघि सन् २००९ मा प्रकाशित एउटा लेखमा चीनले भारतलाई २० देखि ३० वटा स्वतन्त्र राज्यमा टुक्य्राउनुपर्ने चर्चा गरिएको पाइएको छ । 

पाकिस्तान, बंगलादेश, नेपाल र भुटान जस्ता मित्रराष्ट्रहरूको सहयोग लिएर चीनले यो काम गर्न सक्ने लेखकको तर्क छ ।

Vianet communication
Maruti inside

यस विषयमा भारतीय सञ्चारमाध्यमहरूमा त्यतिखेर व्यापक चर्चा चलेको थियो । चीन सरकारको मुखपत्र ग्लोबल टाइम्सले पनि यस्तो लेखलाई गम्भीरतापूर्वक लिएको भन्दै भारतीयहरूलाई मजाक उडाएको थियो । 

चिनियाँ भाषामा लेखिएको उक्त लेखको मूल प्रति उपलब्ध हुन सकेन । तर भारतको चेन्नई सेन्टर फर चाइना स्टडीजका निर्देशक डीएस राजनले त्यसको अंग्रेजी अनुवाद सार्वजनिक गरेको पाइयो । 

चीनले अलिकति प्रयास गर्ने हो भने कथित विशाल भारतीय संघलाई टुक्य्राउन सकिन्छ शीर्षकको उक्त लेख चाइना इन्टरनेसनल इन्स्टिच्युट फर स्ट्राटेजिक स्टडीजको वेबसाइटले प्रकाशित गरेको हो । उक्त संस्था प्रभावशाली थिंकट्यांक हो र त्यसले बेइजिङलाई विश्वव्यापी तथा रणनीतिक विषयमा सल्लाह दिने गरेको छ । 

लेख चान ल्वेले लेखेका हुन् । खासमा यो छद्मनाम हो । चिनियाँ भाषामा चान ल्वे भनेको रणनीति हो । 

लेखमा कथित भारत राष्ट्रको ऐतिहासिक अस्तित्व नरहेको उल्लेख छ किनकि त्यो देश एकताका लागि हिन्दू धर्ममा मूलतः निर्भर छ । 

भारतलाई हिन्दू धार्मिक राज्य मात्र भन्न सकिन्छ र त्यो राज्य जातीय शोषणमा आधारित छ तथा देशलाई आधुनिकीकरण गर्न जातभातले रोकिरहेको छ । 

जातका आधारमा रहेका यस्ता विभाजनलाई विचार गर्दै चीनले आफ्नो स्वार्थ तथा एसियाको प्रगतिका लागि आसामी, तमिल र कश्मीरीहरू लगायतका विभिन्न राष्ट्रियतासँग हात मिलाउनुपर्ने र उनीहरू सबैलाई आआफ्नै स्वतन्त्र राष्ट्र बनाउनका लागि सहयोग गर्नुपर्ने तर्क लेखकले गरेका छन् । 

विशेषगरी लेखमा युनाइटेड लिबरेसन फ्रन्ट अफ असोम (उल्फा) लाई सहयोग गर्न बेइजिङलाई आग्रह गरिएको छ । उल्फा नामक पृथक्तावादी समूहले असमलाई भारतबाट छुट्ट्याउन हिंस्रक आन्दोलन चलाउने गरेको छ । 

केही दिनअघि मणिपुरमा जनमुक्ति सेना नामक सशस्त्र समूहले भारतीय सेनाका कर्नेल, उनकी पत्नी र सन्तान तथा तीन जवानको हत्या गरेपछि कतिपय भारतीय विश्लेषकहरूले त्यो चीनको इशारामा भएको आक्षेप लगाएका थिए । भारतका पूर्वोत्तर राज्यमा अशान्ति मच्चाउने चीनको आशय यसबाट प्रकट भएको उनीहरूको दाबी थियो । १२ वर्ष पुरानो लेखले पनि त्यस्तै तर्क गरेको देख्दा शंका गर्ने ठाउँ मिलेको छ ।

लेखमा चीनले बंगलादेशलाई राजनीतिक समर्थन गरेर भारतमा रहेका बंगालीहरूलाई भारतीय नियन्त्रणबाट मुक्त हुन अनि बंगलादेशसँग मिसिँदै एक बंगाली राष्ट्र बन्नका लागि प्रेरित गर्नुपर्ने उल्लेख छ । 

त्यो सम्भव नभएमा अर्को स्वतन्त्र बंगाली राष्ट्रराज्य बनाउनु वाञ्चनीय हुने लेखकको तर्क छ । बंगलादेशको मित्रवत छिमेकीका रूपमा उक्त नयाँ मुलुकले भारतको विस्तारवाद तथा एकीकृत दक्षिण एसिया निर्माण गर्ने जोखिमलाई हटाइदिने लेखमा उल्लेख छ । 

लेखले भारतलाई युरोप जस्तै गरी २० देखि ३० वटा राष्ट्राज्यमा विभाजित गर्न सिफारिश गरेको छ । भारतका विभिन्न राष्ट्रियताहरूलाई सचेत बनाउन सके दक्षिण एसियामा सुधारको लक्ष्य हासिल हुने तर्क लेखमा गरिएको छ । यसले जातभातको व्यवस्थालाई पनि अन्त्य गर्ने र यो क्षेत्र समृद्धिको बाटोमा अघि बढ्न सक्ने लेखिएको छ । 

चिनियाँ रणनीतिकारले भारतलाई टुक्य्राउनका लागि पाकिस्तान, नेपाल र भुटान जस्ता मित्रराष्ट्रहरूको सहयाृग लिन सकिने सल्लाह दिएका छन् । 

चीनले बंगलादेशलाई पश्चिम बंगालको स्वतन्त्रताका लागि प्रेरित गर्नुपर्ने र अरुणाचल प्रदेशको ९० हजार वर्ग किलोमिटर क्षेत्र फिर्ता लिनुपर्ने उल्लेख पनि लेखमा गरिएको छ । 

यस विषयमा चीनको परराष्ट्र मन्त्रालयले त्यतिखेर स्पष्टीकरण दिँदै यो कुनै एक व्यक्तिको मत भएको र चीनको आधिकारिक धारणा यससँग नमिल्ने बताएको थियो । 

TATA Below
NLIC
साउन २४, २०७९

रुसविरुद्ध पश्चिमले लगाएको प्रतिबन्ध कमजोर रहेको भन्दै युक्रेनका राष्ट्रपति भोलोदीमीर जेलेन्स्कीले कम्तीमा एक वर्षका लागि सबै रुसीलाई पश्चिमले यात्रा प्रतिबन्ध लगाउनुपर्ने बताएका छन् ।  द वाशिङटन पोस्टलाई सोम...

साउन २४, २०७९

फिनल्यान्डको राजधानी हेल्सिन्कीमा रहेको विश्व शान्ति प्रतिमा स्थानीय अधिकारीहरूले सोमवार हटाएका छन् ।  मस्कोले सन् १९८९ मा हेल्सिन्कीलाई उक्त प्रतिमा उपहार दिएको थियो ।  गत वसन्त महिनामा प्रतिमाको फ...

साउन २४, २०७९

चीनले ताइवान टापु वरपर विशाल सैन्य अभ्यासका साथ ताइवानमाथि आक्रमणको तानाबान बुनेको त्यहाँका परराष्ट्रमन्त्री जोसेफ वुले दाबी गरेका छन् ।  ‘ताइवान आक्रमणका लागि चिनियाँ सेनाले तयारी गरेको हो,&rs...

साउन २४, २०७९

दक्षिण कोरियाका राष्ट्रपति यून सूक–योलले अमेरिकी संसद्की सभामुख न्यान्सी पलोसीलाई भेट्न नमान्दा धेरैजना आश्चर्यमा परे । अमेरिकाको सद्भाव पाएको दक्षिणपन्थी सरकारका प्रमुखले राजधानी सौलमा छुट्टी बिताइरहँदा...

साउन २४, २०७९

ताइवानका सैन्य अधिकृतहरूले मंगलवार गरिएको अभ्यास बेइजिङलाई जवाफ फर्काउनका लागि नभएको बताएका छन् ।  एएफपी समाचार संस्थाले दिएको खबरअनुसार, अभ्यासका क्रममा ताइवानका सयौं सैनिकहरू तैनाथ गरिएका छन् र ४...

साउन २४, २०७९

भारतको बिहारमा मुख्यमन्त्री नितीश कुमारले भारतीय जनता पार्टी (भाजपा) लाई धक्का दिएका छन् । सन् २०२० देखि भाजपासँगै सत्ता सहयात्रा गरिरहेका जेडीयू नेता नितीशले पासा पल्टाउँदै आरजेडीसँग हात मिलाएका भारतीय स...

अत्यावश्यक ६ सुधार जसले न्यूनीकरण गर्नसक्छ सहकारीमा व्याप्त विकृति

अत्यावश्यक ६ सुधार जसले न्यूनीकरण गर्नसक्छ सहकारीमा व्याप्त विकृति

साउन २३, २०७९

नेपालको आर्थिक विकासमा सार्वजनिक, निजी र सहकारी ३ खम्बे नीतिलाई अवलम्बन गरिएको छ । संविधानमा समाजवादको परिकल्पनासहित सार्वजनिक, निजी र सहकारी क्षेत्रको प्रवर्द्धन गरी तीब्र दीगो आर्थिक विकासको मार्गनिर्देशन भएको ...

'कुकुर्नी कमिनीको बकपत्र'

'कुकुर्नी कमिनीको बकपत्र'

साउन २२, २०७९

थुक्क कुकुर्नी भनेर कडा स्वभावका आमाहरूले आफ्ना छोरीलाई गाली गर्दा 'त्यसो नभन्नु न यार' भनेर मैले धेरैपटक खिन्नता प्रकट गरेको छु । तर, मलाई पनि आमाले यदाकदा कुकुर भनेर सम्बोधन गर्नुभएको छ । धन्न पण्डित ...

राजनीतिसँगका जनअपेक्षा– अवस्था बदल्ने कि नेता ?

राजनीतिसँगका जनअपेक्षा– अवस्था बदल्ने कि नेता ?

साउन २२, २०७९

राजनीति एउटा त्यस्तो विशेष नीति, दर्शन वा मार्गचित्र हो जसका माध्यमबाट नागरिक जीवनलाई सुखद्, सहज र प्रतिष्ठापूर्ण बनाउन सकिन्छ । यो कठोर साधना पनि हो । राजनीतिले सार्वजनिक जीवनलाई सदैव उच्च महत्त्व दिन्छ र आफ्नो घो...

ad
x