नेकपा एमालेका स्थायी कमिटी सदस्य रामबहादुर थापाले प्रतिगामीको गुरुयोजनामा नेकपालाई तीन टुक्रा बनाइएको आरोप लगाएका छन् । जननिर्वाचित सरकारलाई विस्थापित गराइएको उनले आरोप लगाए । 

चितवनमा शुक्रवार शुरू एमालेको दशौं महाधिवेशन उद्घाटन समारोहमा स्वागत मन्तव्य राख्दै थापाले प्रतिगामीको गुरुयोजनामा नेकपालाई विभाजन गरिए पनि समाजवादको आन्दोलन नरोकिएको बताएका हुन् । 

‘जनादेशबाट स्थापित सरकार विस्थापित गरिएको छ,’ प्रधानमन्त्री शेरबहादुर देउवा उपस्थित कार्यक्रममा थापाले भने । थापाले एमाले महाधिवेशन विचार र संगठनको शुद्धीकरण र सुदृढीकरणको अभियान भएको बताए ।