राजस्व अनुसन्धान विभागले मूल्य अभिवृद्धि कर (भ्याट) र आयकर छली आरोपमा तीन व्यवसायिक फर्मविरुद्ध मुद्दा दायर गरेको छ।

विभागले ती व्यवसायिक फर्मविरुद्ध २९ करोड ७७ लाख मागदाबी गर्दै मुद्दा दायर गरेको हो ।

विभागले बाराको उज्वल ट्रेड कन्सर्नका सञ्चालक रामबाबु प्रसाद यादव, जितपुर सिमराका दिव्या ट्रेड कन्सर्नको सञ्चालक सरोज मण्डल र टोनी कन्सर्न ट्रेडका सञ्चालक शान्तिराम सिटौलालाई मुख्य अभियुक्त बनाई मुद्दा दायर गरेको छ।

तीनवटै फर्मले नक्कली बिजकको प्रयोग गरी राज्यलाई हानिनोक्सानी पुर्‍याएको अनुसन्धानबाट खुलेको विभागको दाबी छ। यी कम्पनीविरुद्ध अब राजस्व चुहावट (अनुसन्धान तथा नियन्त्रण) ऐन, २०५२ बमोजिम कारबाही प्रक्रिया अघि बढ्नेछ ।