×
Bajaj Top
Khukuri
Dataz
FONEPAY

कांग्रेस महाधिवेशन

लुम्बिनीमा कांग्रेसको लेखाजोखा : देउवा पक्षको प्रभाव पल्टियो, पौडेल पक्ष हौसियो !

बुटवल | मंसिर १२, २०७८

NTC
TVS INSIDE

४ दिनअघि अर्घाखाँचीमा कांग्रेस सभापति चयन गर्न भएको निर्वाचनमा वरिष्ठ नेता रामचन्द्र पौडेल पक्षीय केशव श्रेष्ठ भारी मतका साथ निर्वाचित भए । संस्थापन पक्षले उम्मेदवार बनाएका यादवप्रसाद घिमिरे श्रेष्ठको निकटतम प्रतिद्वन्द्वी समेत बन्न सकेनन् । 

Sanima Bank
morang Auto yamaha

कुनै पनि नेताले समर्थन नगरेका पौडेल पक्षीय इन्द्रमणि पौडेलले मत ३५२ मत ल्याउँदा घिमिरेले ३०९ मत मात्र ल्याउन सके । श्रेष्ठ ७३१ मतका साथ विजयी भए ।


Advertisment
NMB BANK
RMC TANSEN
shivam island

अर्घाखाँची कांग्रेसलाई सधैं आफ्नो कब्जामा जस्तै ठान्ने कांग्रेस संस्थापन पक्ष जिल्लामा तेस्रो स्थानमा खुम्चिँदा देउवा पक्षीय प्रभावशाली नेताद्वय पुष्पा भुसाल र मानबहादुर विश्वकर्मा झस्किए । 

कांग्रेस अर्घाखाँचीको प्रदेशसभा अन्तर्गत क्षेत्र नम्बर १ मा राजेश पन्थी र क्षेत्र नम्बर २ मा हेमन्त बेल्वासे विजयी भए । उनीहरू दुवै जना पौडेल पक्षीय नेता हुन् ।

Vianet communication
IME BANK INNEWS
LAxmi BAnk

अर्घाखाँचीबाट महाधिवेशन प्रतिनिधि २६ जना चयन हुँदा देउवा पक्षका जम्मा ६ जना र बाँकी २० जना पौडेल पक्षबाट निर्वाचित भए । यसले अर्घाखाँची कांग्रेसलाई पौडेल पक्षले कब्जामा लिएको देखिन्छ । 

रूपन्देही कांग्रेसको जिल्ला सभापतिमा संस्थापन पक्षका रामकृष्ण खाँण चयन भएका छन् । गृहमन्त्री बालकृष्ण खाँणका सहोदर भाइ रामकृष्णलाई सभापति बनाउन गृहमन्त्री खाँण ३ दिनभन्दा बढी अड्डा जमाएरै जिल्लामा बसे । क्षेत्रीय सभापति र महाधिवेशन प्रतिनिधिमा दुवै समूह बराबर जस्तै देखिएको छ ।

क्षेत्र नम्बर १, ३ र ५ को प्रतिनिधिसभा क्षेत्रीय सभापति देउवा पक्षीय चुनिएका छन् भने क्षेत्र नम्बर २ र ४ मा पौडेल पक्षका सभापति निर्वाचित भए । प्रतिनिधिसभा क्षेत्रीय सभापतिमा क्रमशः हिराबहादुर खत्री, हरि लम्साल, सुशील गुरूङ, मुकेव यादव र वसिउल्ला मुसलवान निर्वाचित भएका छन् । 

जिल्लाका देउवा पक्षीय प्रभावशाली नेता युवराज गिरी र नेविसंघका उपसभापति मुक्ति पौडेल महाधिवेशन प्रतिनिधिमै पराजित हुन पुगे । गिरी एमाले उपमहासचिव तथा पूर्व अर्थमन्त्री विष्णु पौडेलसँग चुनावी प्रतिस्पर्धा गरेका नेता हुन् । जिल्लाबाट १२५ महाधिवेशन प्रतिनिधिमा ५०/५० जस्तै दुवै पक्षका छन् । यसले जिल्लामा बलियो बनिएको पौडेल पक्षको आकलन छ । 

पश्चिम नवलपरासीमा पनि देउवा पक्षलाई ठूलो धक्का लागेको छ । जिल्ला सभापतिमा संस्थापनइतरका अर्जुनप्रसाद पोखरेल निर्वाचित भए । नलपरासीमा संस्थापन पक्ष मानिने पूर्व गृहराज्यमन्त्री देवेन्द्रराज कंडेलले अगाडि सारेका मोहनप्रसाद शर्मालाई पोखरेलले १९५ मतान्तरले पराजित गरेका हुन् । विजयी पोखरेलले ७५६ मत ल्याए भने प्रतिस्पर्धी शर्माले ५६१ मत ल्याए । निर्वाचित पोखरेल यसअघिका जिल्ला उपसभापति हुन् ।

यता प्रतिनिधिसभा क्षेत्र नम्बर १ को सभापतिमा मुकुल आचार्य र २ को सभापतिमा माधवप्रसाद पाण्डे निर्वाचित भएका छन् । पाण्डे देउवा र आचार्य पौडेल पक्षका नेता हुन् । प्रदेश सभाका ४ वटा क्षेत्रमध्ये एउटामा मात्र देउवा पक्षका सभापति चयन भएका छन् भने बाँकी सबै पौडेल पक्षीय निर्वाचित भएका छन् । 

जिल्लामा महाधिवेशन प्रतिनिधि छनौटमा समेत देउवा पक्ष कमजोर देखिएको छ । संस्थापनइतर पक्षले बुहमत प्रतिनिधि जितेको छ । केन्द्रीय समिति चयनका लागि जिल्लाबाट निर्वाचितसहित कूल ५३ प्रतिनिधि सहभागी हुने भएका छन् । जसमा २९ जना संस्थापनइतर पक्षका छन् भने २४ जना देउवा पक्षका छन् ।

पाल्पामा पौडेल पक्षले देउवा पक्षलाई ‘क्लीन स्वीप’ पारेको छ । जिल्ला सभापति हिमालदत्त श्रेष्ठ, प्रतिनिधि सभाका क्षेत्रीय सभापति मुक्तिराम जिसी र झमनराज मगर सबै पौडेल पक्षीय हुन् । प्रदेश सभाका ४ जना नै सभापति पौडेल पक्षले जितेका छन् । महाधिवेशन प्रतिनिधिमा पनि पौडेल पक्षले दुईतिहाइ जितेको छ । ५० महाधिवेशन प्रतिनिधिमा पौडेल पक्षका ४४ जना छन् । 

प्यूठानको जिल्ला सभापतिमा विष्णुकुमार गिरी निर्वाचित भएका छन् । गौमुख गाउँपालिकाका अध्यक्ष समेत रहेका गिरी संस्थापक पक्षका शिव रिजाललाई ७२ मतले पछाडि पार्दै नेतृत्वमा उदाएका हुन् । 

दाङको क्षेत्र नम्बर १ को सभापतिमा भेषराज पाण्डे निर्वाचित भएका छन् । उनी देउवा निकट हुन् । क्षेत्र नम्बर २ मा भीमप्रसाद खड्का निर्वाचित भएका छन् । उनी पनि देउवा निकट हुन् । क्षेत्र नम्बर ३ मा पौडेल पक्षीय जगतबहादुर खड्का निर्वाचित भएका छन् । 

दाङ जिल्ला सभापतिका लागि आइतवार निर्वाचन भइरहेको छ । शनिवार भएको निर्वाचनमा कुनै पनि उम्मेदवारले ५१ प्रतिशत मत ल्याउन नसकेपछि आइतवार पुनः मतदान हुन लागेको हो । शंकर डाँगी र भुपबहादुर डाँगीबीच प्रतिस्पर्धा हुँदैछ । शंकर पौडेल निकट हु्न । दाङमा संस्थापन पक्ष बलियो मानिन्छ । ४ प्रतिस्पर्धीमध्ये ३ जना संस्थापन पक्षधर उम्मेदवार बनेका थिए । 

लुम्बिनीकै बर्दियाको क्षेत्र नम्बर १ मा मुक्तिनाथ यादव र क्षेत्र नम्बर २ मा दिपकजंग शाह निर्वाचित भएका छन् । यादव र शाह दुवै जना संस्थापन पक्षका हुन् । यसैगरी वर्तमान पार्टी सभापति पौडेल पक्षका सञ्जयकुमार गौतमले महाधिवेशन प्रतिनिधिमा सबैभन्दा बढी ४२२ मत प्राप्त गरी विजयी भएका छन्  । 

गुल्मीमा पौडेल प्यानल बलियो देखिएको छ । क्षेत्र नम्बर १ र २ को क्षेत्रीय सभापतिमा क्रमशः पारेश्वर ढकाल र चन्द्रबहादुर महत निर्वाचित भएका छन् । उनीहरू दुवै जना पौडेल निकट नेता हुन् । ढकाल सत्यवती गाउँपालिकाका अध्यक्ष समेत हुन् । प्रदेशसभा क्षेत्रतर्फ ४ जना सभापतिमध्ये पौडेल पक्षका ३ जना निर्वाचित भएका छन् ।

शनिवार भएको जिल्ला सभापतिमा मतपेटिकमा नाम भेटिएको भन्दै मतगणना स्थगित भएको छ । सभापतिमा पौडेल पक्षका खिलध्वज पन्थी र देउवा निकट बेद थापाबीच प्रतिस्पर्धा भइरहेको छ । थापा पक्षले अहिले पुनः मतदानको माग गरेको छ । जिल्लामा पन्थी निर्वाचित हुने बलियो सम्भावना रहेको विश्लेषण गरिन्छ । 

कांग्रेस रुकुम पूर्वको सभापतिमा केशरमान रोका मगर निर्वाचित भएका छन् । रोका पनि पौडेल पक्षीय नेता हुन् । रोल्पा कांग्रेसको सभापतिमा किशोरकुमार आचार्य निर्वाचित भएका छन् । आचार्य पनि पौडेल निकट हुन् । प्रदेश सभातर्फ १ मा दुर्गाबहादुर खड्का र गोपाल घर्ती मगर निर्वाचित भएका छन् । कपिलवस्तु, बाँके र बर्दियामा सभापतिको निर्वाचन भएको छैन । 

JYOTI
Kumari
TATA Below
NLIC
Mega Bottom
माघ ८, २०७८

काँग्रेस नेता अर्जुननरसिंह केसीले गठबन्धन सरकारले स्थानीय निर्वाचनलाई नाफा र नोक्सानको लेखाजोखा गर्न नहुने बताएका छन् । स्थानीय तह आफैमा स्वशासन, सुशासन र लोकतान्त्रिक सोपानको प्रथम खुड्किलो र संस्थागत स्थानीय विक...

माघ ८, २०७८

भौतिक पूर्वाधार तथा यातायात मन्त्री रेणु यादवको हिंसा भड्काउने अभिव्यक्तिविरुद्ध कुनै कारबाही नभएको भन्दै कांग्रेसका नेताहरूले पनि आपत्ति जनाउन थालेका छन् ।  शनिवार बिहान कांग्रेस महामन्त्री विश्वप्रकाश शर्...

माघ ९, २०७८

हिन्दुराष्ट्र र संवैधानिक राजतन्त्रको वकालत गर्ने राष्ट्रिय प्रजातन्त्र पार्टीको एजेण्डामाथि नै निर्वाचन आयोगले प्रश्न उठाउँदै पत्राचार गरेको छ । सो पार्टीको विधानमा उल्लेखित ‘राजसंस्था र हिन्दुराष्ट्र’ बारे ...

माघ ८, २०७८

हिंसा भड्काउने खालको अभिव्यक्ति दिएकी भौतिक पूर्वाधार तथा यातायात मन्त्री रेणु यादवको जनता समाजवादी पार्टी (जसपा) नेपालले बचाउ गरेको छ । मन्त्री यादवको चौतर्फी आलोचना भएकाले पदबाट राजीनामा दिनुपर्ने दबाब...

माघ ८, २०७८

नेपाली कांग्रेसका नेता प्रकाशमान सिंहले आफू स्थानीय तहलाई पदाधिकारीविहीन बनाउने पक्षमा नरहेको बताएका छन् ।  नेता सिंहले स्थानीय तहको निर्वाचन संविधानले व्यवस्था गरेअनुसार समयमै हुनुुपर्ने पनि स्पष्ट पा...

माघ ८, २०७८

नेकपा माओवादी केन्द्रको पूर्व स्थायी कमिटी सदस्यहरूको बैठकमा तीनवटै तहको निर्वाचन एकै समयमा गर्नेबारे सत्तारुढ गठबन्धनमा भइरहेको छलफललाई थप व्यवस्थित र विस्तृत बनाउनेबारे छलफल भएको छ ।  माओवादी केन्द्रका...

यसरी नै चलाउने हो कांग्रेसका भ्रातृ संस्था ?

यसरी नै चलाउने हो कांग्रेसका भ्रातृ संस्था ?

माघ ५, २०७८

विश्वविख्यात अर्थशास्त्री एवं कूटनीतिज्ञ चाणक्यले लक्ष्य प्राप्तिका केही प्रमुख सूत्र बताएका छन्। अरू सबैलाई तपसिलमा राख्न सकिन्छ, तर एउटा सूत्रलाई कहिल्यै पनि विस्मृत हुन दिनु हुँदैन । उनी भन्छन्, 'मानिसको सबैभ...

अविकास, गरीबी र कुशासनको दुष्चक्र

अविकास, गरीबी र कुशासनको दुष्चक्र

माघ ३, २०७८

‘एसियन ड्रामा’ का लेखक गुनाल मिर्डालले न्यून आम्दानी, न्यून उत्पादकत्व, कमजोर स्वास्थ्य अवस्था र सुविधाहीन आवासले मानिसलाई गरीबीको दुष्चक्रमा पुर्‍याउने यथार्थ व्याख्या गरेका थिए । यसलाई उल्टो रूप...

कार्बनडाइअक्साइडदेखि किम जोङ उनसम्म

कार्बनडाइअक्साइडदेखि किम जोङ उनसम्म

माघ ३, २०७८

उत्तर कोरियाली ‘सर्वोच्च नेता’ किम जोङ उनको तौल घटेपछि त्यहाँका जनताहरू चिन्ता प्रकट गर्दै सामूहिक रूपमा रोएका थिए ।  हुन त उत्तर कोरियामा हाँस्ने र ताली बजाउने काम पनि सामूहिक रूपमै हुन...