नेकपा माओवादी केन्द्रको पालिका अधिवेशन अन्तर्गत दाङका ६ पालिकामा नयाँ नेतृत्व चयन भएका छन् ।

शनिवार भएको अधिवेशनले जिल्ला १० पालिकामध्ये ६ पालिकाले सर्वसम्मत नेतृत्व चयन गरेको हो । 

घोराही उपमहानगरपालिका, बबई, शान्तिनगर, दङ्गीशरण, बंगलाचुली र गढवा गाउँपालिकाको नेतृत्व चयन भइसकेको छ ।

निर्वाचन समितिले जनाएअनुसार घोराही उपमहानगरपालिकाको अध्यक्षमा प्रमोद शर्मा, उपाध्यक्षमा सुशीला शर्मा, खिमबहादुर चौधरी र रमेश ओली निर्वाचित भएका छन् भने सचिवमा भागिदास चौधरी, सहसचिवमा मने विश्वकर्मा र कोषाध्यक्षमा दिलकुमारी विकलाई चयन गरिएको छ । 

बबईको अध्यक्षमा डिल्ली बुढाथोकी, उपाध्यक्षमा रमेश सुनार, प्रेम जिसी र यज्ञबहादुर  तथा सचिवमा अन्जु घर्ती, सहसचिवमा खुमबहादुर विक र कोषाध्यक्षमा परेकलाल बुढालाई चयन गरिएको छ । बङ्गलाचुलीका  अध्यक्षमा डोमकान्त कवर मगर, उपाध्यक्षमा गिरिराज बाँठा, युमना थापा घर्ती, रमा पुन, कोषाध्यक्षमा वासुदेव महरा, सचिवमा दामोदर खड्का र सहसचिवमा शोभाराज विश्वकर्मालाई चयन गरिएको छ । 

शान्तिनगरको अध्यक्षमा नेवबहादुर रोका, उपाध्यक्षमा खगेन्द्र शर्मा, प्रदीप ओली र रीता बटाला सचिवमा पिमलाल ओली, सहसचिवमा हीरा सुनार र कोषाध्यक्षमा जंगबहादुर पुनलाई चयन गरिएको छ ।  दङ्गीशरणका अध्यक्षमा मणिराम शर्मा, उपाध्यक्षमा वीरबहादुर वली, निर्मला चौधरी र ममता परियार, सचिवमा दीपक गौतम, सहसचिवमा टंक ओली र कोषाध्यक्षमा हरिबहादुर ककरेल निर्वाचित भएका छन् । 

गढवाका अध्यक्षमा यामनारायण पोखरेल, उपाध्यक्षमा दीपा पुन, वसन्ती चौधरी र देवराज यादव, सचिवमा कैलाश चौधरी, सहसचिवमा ज्ञानबहादुर परियार र कोषाध्यक्षमा वसन्त गिरीलाई चयन गरिएको छ । 

तुलसीपुरको नेतृत्व चयन कार्य अझै टुंगिन सकेको छैन । लमही नगरपालिकामा सदस्य टुंग्याइएको छ । पदाधिकारीको भने मंसिर १५ गते छनोट गरिने भएको छ ।