नेकपा एमालेको १०औं राष्ट्रिय महाधिवेशनअन्तर्गत चितवनमा भइरहेको निर्वाचनमा मतदान कार्य सकिएको छ ।

कूल २ हजार १५३ मतदाता रहेकोमा सबै मत भने खसेनन् । निर्वाचन आयोगले मतदान सकिए पनि खसेको मतको औपचारिक विवरण संकलन भइरहेको जनाएको छ ।

केहीबेरअघि एमाले नेता राजन भट्टराईले सामाजिक सञ्जालमार्फत दिएको जानकारीअनुसार बिहान १०ः३५ बजेसम्म २ हजार ६९ मत खसिसकेको थियो ।

मंगलवार बिहान ४ बजेदेखि मतदान शुरू भएको थियो । अब केहीबेरमा मतगणना शुरू हुने निर्वाचन आयोगले जनाएको छ ।