कात्तिक २०, २०८०
‘मोबाइल डिभाइस म्यानेजमेन्ट सिस्टम (एमडीएमएस)’ आज (सोमबार)देखि लागू हुने भएको छ । नेपाल दूरसञ्चार प्राधिकरणले पहिलो चरणमा प्रणालीमा दर्ता नभएका केही मोबाइलको नेटवर्क लक गरेर यो प्रणाली कार्यान्वयन...
तमाम् आकांक्षीलाई पछि पार्दै पद्मा अर्याल नेकपा एमालेको सचिव बनिन् । नवौं महाधिवेशनबाट केन्द्रीय सदस्य निर्वाचित अर्यालले दशौं महाधिवेशनबाट सचिवमा फड्को मारेकी हुन् । एमालेको १९ जना पदाधिकारीमा २ जना मात्र महिला छन् । तर भूमिकाको हिसाबले उनी उपाध्यक्ष अष्टलक्ष्मी शाक्यभन्दा सक्रिय हुनेछिन् ।
नेकपा एमालेको पदाधिकारीका लागि कम्तिमा पनि आधा दर्जन महिला आकांक्षी थिए । ज्येष्ठताको हिसाबले राधा ज्ञवाली, सीता पौडेल र गोमा देवकोटा पद्माभन्दा ‘सिनियर’ हुन् । झण्डै १०० दिन गण्डकी प्रदेशको प्रदेश प्रमुख बनेकी सीता पौडेल विद्या भण्डारी अनेमसंघको अध्यक्ष हुँदा उपाध्यक्ष थिइन् ।
केपी ओली नेतृत्वको सरकार ढलेर कांग्रेस सभापति देउवाको सरकार बनेपछि फिर्ता बोलाइएकी पौडेल भूमिकाविहीन थिइन् । पूर्वमन्त्री ज्ञवालीले अष्टलक्ष्मीपछि आफू सिनियर भन्दै पदाधिकारीमा दाबी गरेकी थिइन् ।
डा. विन्दा पाण्डेले उपमहासचिवमा दाबी गरेकी थिइन् । दाबी उपमहासचिवमा गरेपनि उनी समेत सचिवकी आकांक्षी थिइन् ।
लामो समय एमाले निकट मजदूरहरूको संस्था जिफन्टमा रहेर काम गरेकी पाण्डे पदाधिकारी बन्नबाट वञ्चित बनिन् ।
पूर्व उपसभामुख डा. शिवमाया तुम्बाहाम्फे र थममाया थापालगायत सचिवका आकांक्षी थिए ।
केन्द्रीय सदस्यमा मात्र नभई पदाधिकारीमा पनि ३३ प्रतिशत सहभागिता हुनुपर्छ भनेर उनीहरूले बाहिर बोल्दै आएका थिए । पदाधिकारीमा कृपा खोजेर बसेका उनीहरूमध्ये कोही पनि बन्दसत्रमा बोल्न सकेनन् ।
सोमवार बिहान साढे ३ बजे केपी शर्मा ओलीले पदाधिकारीको सूची पढेर सुनाउँदा आकांक्षीहरू जिल खाए ।
‘के मापदण्डको आधारमा पद्मालाई सचिव दिइयो, हामी के कारणले अयोग्य भयौं त्यो खुलाइदिए हुन्थ्यो’ पदाधिकारीमा दाबी गरेकी एक महिला नेतृले भनिन्, ‘पार्टीमा हामीले गरेको योगदानको अवमूल्यन भयो ।’
को हुन् पद्मा ?
२०७४ सालको प्रतिनिधि सभा निर्वाचनमा मन्त्री समेत रहेका कांग्रेसका प्रभावशाली नेता गोपालमान श्रेष्ठलाई पराजित गरेर अर्याल चर्चामा आएकी थिइन् ।
प्रत्यक्ष निर्वाचित भएर आएकी पद्मालाई केपी अोलीले सरकारमा राम्रो भूमिका दिए ।
स्वास्थ्य राज्यमन्त्रीबाट सरकारमा प्रवेश गराएका ओलीले पछि भूमि व्यवस्था, सहकारी तथा गरीबी निवारण मन्त्रालयको जिम्मा दिए । पछि उनलाई कृषि मन्त्रालयको जिम्मा दिए ।
अर्यालको पालामा सरकारले कालापानी, लिपुलेक क्षेत्रलाई समेटेर नेपालको चुच्चे नक्सा प्रकाशित गर्यो । उनले आफ्नै पालामा सगरमाथाको उचाइ नापेर उचाइ बढेको तथ्यांक सार्वजनिक गर्न पाइन् ।
२०२५ सालमा स्याङ्जामा जन्मिएकी अर्यालले २०३९ सालदेखि विद्यार्थी राजनीतिबाट सक्रिय राजनीति शुरू गरेकी हुन् ।
उनले अखिल नेपाल महिला संघमा लामो समय राजनीति गरिन् । पछि उनी स्याङ्जा जिल्लामा पार्टीको जिल्ला अध्यक्ष भइन् ।
प्रत्यक्ष निर्वाचनबाट जिल्लामा पार्टी अध्यक्ष बन्ने नेकपा एमालेभित्र र सम्भवतः अन्य राजनीतिक दलमा पनि उनी पहिलो नेतृ हुन् ।
उनी अध्यक्ष बनेपछि २०७४ सालमा एमालेले स्याङ्जामा दुवै सीट चुनाव जित्यो । त्यसपछि पद्माको राजनीतिक गतिले बेग हान्यो ।
कुनैबेला एमालेभित्र वामदेव गौतमपक्षीय भनेर चिनिने अर्याललाई पछिल्ला चार वर्षमा केपी ओलीले ग्रुम गरे ।
वक्तृत्व क्षमता र कुनैपनि विषयमा अडान राख्न सक्ने अर्यालको खुबी भएको उनलाई चिन्नेहरू बताउँछन् ।
एमालेको दशौं महाधिवेशनबाट सचिवमा निर्वाचित (घोषणा हुन बाँकी) भएपछि यसलाई उनको राजनीतिक फड्कोको रूपमा एमालेभित्र चित्रण गरिएको छ ।
उमेर हदका कारण आगामी महाधिवेशनबाट अष्टलक्ष्मी शाक्य उम्मेदवार बन्न नपाउँदा एमालेमा महिलाको नेतृत्वमा अर्यालको इन्ट्रीको रूपमा विश्लेषण गर्न थालिएको छ ।
‘मोबाइल डिभाइस म्यानेजमेन्ट सिस्टम (एमडीएमएस)’ आज (सोमबार)देखि लागू हुने भएको छ । नेपाल दूरसञ्चार प्राधिकरणले पहिलो चरणमा प्रणालीमा दर्ता नभएका केही मोबाइलको नेटवर्क लक गरेर यो प्रणाली कार्यान्वयन...
दाङको तुलसीपुर उपमहानगरपालिका वडा नम्बर– १९ बिजौरीका २२ वर्षीय युवक प्रतीक पुनमाथि परिवारको ठूलो जिम्मेवारी थियो । दुवै मिर्गौला फेल भएर बाबा ताराप्रसाद पुनको एक वर्षअघि मृत्यु भएपछि लागेको ...
शुक्रवार मध्यरातिको भूकम्पमा परेर मृत्यु भएकी जाजरकोट भेरी नगरपालिकाकी ८ वर्षीया विष्णु तिरुवाको दाहसंस्कारका लागि आफन्त र गाउँलेहरू सोमवार भेरी नदी घाटमा पुगेका थिए । सोमवार अपरान्ह उनको शव लिएर मलामी...
जाजरकोट भूकम्पमा ज्यान गुमाउनेमध्ये आधा बढी बालबालिका रहेका छन् । नेपाल प्रहरीले उपलब्ध गराएको तथ्याङ्क अनुसार कात्तिक १७ गते राति गएको भूकम्पबाट मृत्यु भएका १५३ मध्ये ७८ बालबालिका छन् । जाजरक...
जाजरकोट केन्द्रबिन्दु भएर गएको शक्तिशाली भूकम्पमा परी कम्तिमा ११९ जनाको मृत्यु भएको छ । जाजरकोट र रुकुम पश्चिमका विभिन्न स्थानमा भूकम्पमा परेर उक्त मानवीय क्षति भएको हो । जिल्ला प्रहरी कार्यालय जाजरकोटका ...
गएराति गएको भूकम्पले सबैभन्दा बढी जाजरकोटको नलगाड क्षेत्रमा क्षति गरेको छ । नलगाड नगरपालिकामा मात्रै तीन दर्जन बढीको ज्यान गएको जिल्ला प्रशासन कार्यालय जाजरकोटले जनाएको छ । अझै यकिन विवरण आउन बाँकी छ । ...
ललितपुरको गोदावरीस्थित सनराइज हलमा नेकपा (एमाले)का दुई महत्वपूर्ण कार्यक्रम भए । एमालेको प्रथम विधान महाधिवेशन (२०७८ असोज १५ र १६ गते) सनराइज हलमै भएको थियो । विधान महाधिवेशनले विभाजनदेखि चौतर्फी घेराबन्दी...
हामी १५औं अन्त्य गरेर १६औं योजनाको तयारीमा जाँदै छौं । दलका शीर्ष नेताबीच १६औं योजनाको विषयमा छलफल भएको छ । १५औं योजनाको असफलता र नमिलेका कुरालाई १६औं मा सुधार्छौं । हाम्रो गन्तव्य कहाँ हो भन्ने संविधानले ...
सच्चा लोकतन्त्रमा सिमान्तमा रहेको नागरिकले पनि यो देश मेरो हो भन्ने अनुभूति गर्न सक्नेछ- माहात्मा गान्धी । माथि गान्धीको भनाइ किन उद्धृत गरिएको हो भने नयाँ वर्षको आगमन भैसकेको छ र २०८० को बिदाइ बडो हर्षपूर्वक...