उदयपुरको चौदण्डीगढी नगरपालिका–४ नमूना चोकबाट २ युवा गाँजासहित पक्राउ परेका छन् ।

बुधवार साँझ बेल्टारबाट सप्तरीको फक्तेपुरतर्फ जाँदै गरेका उनीहरूलाई बेल्टारस्थित इलाका प्रहरी कार्यालयका प्रहरीले पक्राउ गरेका हुन् ।

पक्राउ पर्नेमा सप्तरी जिल्लाको सप्तकोशी नगरपालिका–९ कमलपुर बस्ने २६ वर्षीय रुपेश सदा र २९ वर्षीय जीबछ मण्डल रहेको जिल्ला प्रहरी कार्यालयका प्रहरी नायब उपरीक्षक (डीएसपी) बेदप्रसाद गौतमले बताए ।

बेलका नगरपालिका क्षेत्रबाट मदन भण्डारी मार्ग हुँदै सप्तरीको फत्तेपुरतर्फ स११प १७९ नम्बरको मोटरसाइलमा जाँदै गरेका उनीहरूलाई बुधवार साँझ गस्तीमा रहेको प्रहरीले खानतलासी गर्दा करीब १ किलोग्राम गाँजा फेला पारेकोे थियो ।

व्यावसायिक रूपमा गाँजा ओसारपसार गर्दै आएका दुवै जनालाई बिहीवार जिल्ला अदालतबाट म्याद थप गराइ थप अनुसन्धान गरेर लागूऔषध विरुद्धको मुद्दा चलाउने तयारी भइरहेको प्रहरीले बताएको छ ।