नेपाली कांग्रेस सुदूरपश्चिम प्रदेश समितिको सभापतिमा बीरबहादुर बलायर विजयी भएका छन् ।

संस्थापन पक्षका बलायरले संस्थापन इतर पक्षका नारायणदत्त मिश्रलाई फराकिलो मतान्तरले पराजित गरेका हुन् ।

शनिवार भएको मतदानमा खसेको १ हजार ३ मत मध्ये बलायरले ६८८ मत प्राप्त गरेका छन् भने मिश्रले २८० मत प्राप्त गरे ।

कांग्रेस सभापति एवं प्रधानमन्त्री शेरबहादुर देउवाको प्रभाव रहेको गृहप्रदेशमा भएको जीतले संस्थापन पक्ष उत्साहित छ ।

सुदूरपश्चिमको उपसभापतिमा जनकराज चौधरी र लोकराज अवस्थी विजयी भएका छन् । 

महामन्त्रीमा देउवा पक्षकै नारायण शाह र मेघराज खड्का विजयी भएका छन् । कर्णाली प्रदेशको सभापतिमा पनि देउवा पक्षीय ललितजंग शाही विजयी भएका छन् ।