प्राध्यापक डा. युवराज संग्रौलाले आगामी निर्वाचनमा एउटा वामपन्थी शक्ति र राप्रपाबीच मोर्चा बन्न सक्ने विश्लेषण गरेका छन् ।

राजालाई राष्ट्रप्रमुख बनाएर निर्वाचन लड्ने अर्को गठबन्धन बन्ने उनको विश्लेषण छ । 

आइतवार सामाजिक सञ्जाल फेसबूकमा सन्देश लेख्दै संग्रौलाले एउटा वामपन्थी शक्ति र राप्रपाबीच मोर्चा बन्ने र त्यसलाई भारतको बीजेपीले बोक्ने विश्लेषण गरेका हुन् ।

बीजेपीका कतिपय नेताहरू नेपाललाई हिन्दूराष्ट्र बनाउनु पर्छ भन्दै हिँड्ने गरेको पाइन्छ । 

संग्रौलाले नेपाल नियन्त्रित अस्थिरताको भूमरीमा फस्ने खतरा रहेको टिप्पणी गरेका छन् । 

हेर्नुहोस्, उनको स्टाटसः

अब राजनीतिमा तीन लहरको शुभारम्भ हुनेछ । राजालाई राष्ट्रप्रमुख बानाएर निर्वाचन लड्ने एक गठबन्धन बन्नेछ । यसमा एउटा वामपन्थी शक्ति र राप्रपाको मोर्चा बन्नेछ । यसलाई भारतको बीजेपीले बोक्ने छ ।

अरू वामपन्थीहरू केहीलाई छाडेर वाममोर्चामा आउने छन् । उसलाई पनि बीजेपीले प्रयोग गर्ने रणनीति बनाउने छ, त्वम शरण गर्ने कारणले यो मोर्चालाई जोगाउन सक्लान तिन्ले? शंका लाग्छ । राजतन्त्रको मोर्चामा जाने वामपन्थीले आफूलाई ध्वस्त पार्न लामो समय लाग्ने छैन । कांग्रेसलाई अमेरिकी सहयोग बढ्ने छ । नेपाल नियन्त्रित अस्थिरता को भूमरीमामा झन् ज्यादा डुब्ने छ । 

तर अब बौद्धिक विकल्प तीव्र गतिले बढ्ने छ । नेपाली युवा समाजवादको पक्षमा उभिने छन् । यो अन्तिम संक्रमणको युग १० वर्षको हुनेछ, तब मात्र देश विकासको ढाँचा लिएर अगाडि बढ्ने छ ।

युवाहरू निराश नहोऊ, अब देश तिम्रो हातमा आउने छ ।