रणवीर सिंहको चलचित्र ‘८३’ को पहिलो लुक आउने बेला नै मानिसहरूमा निकै उत्साह बढेको थियो । जब ट्रेलर आयो, तब रणवीर र अन्य कलाकारहरूको खुलेरै प्रशंसा गरे । 

यो चलचित्रमा रणवीर कपिलदेवको भूमिकामा देखिएका छन् । उनको अभिनय र कवीर खानको निर्देशनको चर्चा भइरहेको छ । 

यो चलचित्र २४ डिसेम्बरदेखि सिनेमाघरमा रिलिज हुँदैछ । भारतको राजधानी दिल्लीमा यो चलचित्रलाई ‘ट्याक्स फ्री’ घोषित गरिएको छ । 

सन् १९८३ मा कपिलदेव र भारतीय क्रिकेट टीमले विश्वकप जितेर इतिहास रचेका थिए । त्यही पललाई एकपटक फेरि ताजा गर्नका लागि रणवीर सिंह कपिलदेवको भूमिकामा आएका छन् । 

निर्देशक कवीरले दिल्लीका मुख्यमन्त्री अरविन्द केजरीवाललाई धन्यवाद ज्ञापन गरेका छन् ।