बलिउडको सुन्दर जोडी बलिउड अभिनेता विक्की कौशल र अभिनेत्री कट्रिना कैफले विवाह गरेर चर्चा कमाए । यी दुई कलाकारको विवाहलाई लिएर लामो समयदेखिको चर्चाले बजार तताएको थियो । 

विक्की कौशल र कट्रिना कैफको विवाहको आज एक महिना पूरा भएको छ । 

विवाहको एक महिना पूरा भएपछि कट्रिना कैफले सामाजिक सञ्जालमा विक्की कौशलसँगको आफ्नो विशेष तस्वीर शेयर गरेकी छन् । 

कट्रिना कैफ सामाजिक सञ्जालमा सबैभन्दा सक्रिय नायिका हुन् । उनी प्रायः आफ्ना फ्यानका लागि विशेष तस्वीर र भिडियो शेयर गर्छिन् । कट्रिना कैफले आफ्नो अफिसियल इन्स्टाग्राम अकाउन्टमा पति विक्की कौशलसँगको तस्वीर शेयर गरेकी छन् ।

यो तस्वीरमा कट्रिना विक्कीको अँगालोमा देखिएकी छन् ।

विक्की कौशल र कट्रिना कैफले डिसेम्बर ९ मा सवाई माधोपुरको सिक्स सेन्स फोर्ट बर्वारामा विवाह गरेका थिए ।