नेपाल प्रहरीमा तल्लो तहका प्रहरी कर्मचारीको मनोबल उच्च राख्न भन्दै तीन नयाँ दर्जाको व्यवस्था गरिएको छ ।
सरकारले प्रहरी नियमावली २०७१ लाई सोमबार संशोधन गरेपछि तल्ला तहमा थप तीनवटा पद सिर्जना भएको हो । प्रहरी जवानभन्दा माथि र हवल्दारको बीचमा सहायक हवल्दार, हवल्दार र असइको बीचमा वरिष्ठ हवल्दार, सई र इन्सपेक्टरको बीचमा वरिष्ठ सई गरी तीन नयाँ पद सिर्जना गरिएको हो । यस व्यवस्थासँगै २० हजार ६०० बढी प्रहरी बढुवाको बाटोमा रहेको खबर राजधानी दैनिकमा महेश्वर गौतमले खबर लेखेका छन् ।