नेकपा एमालेका महासचिव शंकर पोखरेलले आफूहरूको असहमति अर्लिइलेक्सनप्रति नभएको स्पष्ट पारेका छन् । शुक्रवार फेसबूकमा स्ट्याटस लेख्दै उनले एमालेको असहमति अर्लिइलेक्सनमा नभई सत्ता गठबन्धनको कुनियतमा भएको बताएका हुन् । 

‘नेकपा एमालेको असहमति अर्लिइलेक्सनप्रति होइन । पुरानो जनादेश खण्डित भएको अवस्थामा नयाँ जनादेश त नेकपा एमालेको चाहना नै हो,’ उनले लेखेका छन्, ‘तर  विभिन्न बहानामा स्थानिय चुनाव समयमै नगर्ने र स्थानीय तह रिक्त बनाउँदै दुरुपयोग गर्ने पाँच दलीय गठबन्धनको कुनियतप्रति भने नेकपा एमालेको गम्भीर असहमति रहेको छ ।’