पछिल्लो २४ घण्टामा काठमाडौं उपत्यकामा मात्रै ५ हजार ३०६ जना संक्रमित थपिएका छन् । 

स्वास्थ्य मन्त्रालयका अनुसार काठमाडौंमा तीन हजार ७६२, ललितपुरमा एक हजार ११० र भक्तपुरमा ४३४ जना संक्रमित थपिएका हुन् ।

काठमाडौंमा ३४ हजार १५९ सक्रिय संक्रमित छन् भने हालसम्म मृत्यु संख्या दुई हजार २५० र संक्रमणमुक्त हुनेको संख्या दुई लाख ५६ हजार ३५४ रहेको छ । 

भक्तपुरमा चार हजार ६४५ सक्रिय संक्रमित, मृत्यु संख्या ४४० र संक्रमणमुक्त हुनेको संख्या २९ हजार ७८२ छ । 

त्यस्तै ललितपुरमा सक्रिय संक्रमित आठ हजार २२०, मृत्यु संख्या ७१३ र संक्रमण हुनेको संख्या ५० हजार ७३८ रहेको छ । 

देशभर पछिल्लो २४ घण्टामा १० हजार २५४  जनामा संक्रमण पुष्टि भएको छ ।