×

NMB BANK
NIC ASIA

सरसर्ती २४ घण्टा

राप्रपाको मुख्य एजेण्डामै आयोगको ‘प्रहार’, ८ बुँदे पत्रले हलचल

माघ ९, २०७८

NTC
Sarbottam
Premier Steels
Marvel

हिन्दुराष्ट्र र संवैधानिक राजतन्त्रको वकालत गर्ने राष्ट्रिय प्रजातन्त्र पार्टीको एजेण्डामाथि नै निर्वाचन आयोगले प्रश्न उठाउँदै पत्राचार गरेको छ । सो पार्टीको विधानमा उल्लेखित ‘राजसंस्था र हिन्दुराष्ट्र’ बारे असहमति जनाउँदै आयोगले यसबारे राजनीतिक दलसम्बन्धी ऐेन अनुकूल हुनेगरी उल्लेख गर्न पत्राचार गरेको छ ।  माघ २ मा आयोगले राप्रपालाई पठाएको ८ बुँदे पत्रको बुँदा नम्बर १ मा भनिएको छ, ‘विधानको प्रस्तावनाको बुँदा ४ मा उल्लेखित सनातन हिन्दुराष्ट्र एवम् राजसंस्थासहितको प्रजातन्त्रको मान्यता अभिवृद्धि गर्न र कायम गर्न भन्ने वाक्यांश नेपालको संविधानको प्रस्तावना एवम् भावनाको प्रतिकुल देखिएकाले सो वाक्यांश हटाइ नेपालको संविधानको धारा २६९ तथा राजनीतिक दल सम्बन्धी ऐन, २०७३ अनुकूल हुने गरी उल्लेख गर्नु हुन...।’

Sagarmatha Cement
Muktinath Bank

दलको संशोधित विधान तथा केन्द्रीय कार्यसमितिको विवरण अध्यावधिकका लागि गत पुस १० मा राप्रपाले निवेदन दिएकामा सोसम्बन्धी कागजात अध्ययन पश्चात आयोगले पत्र काटेको हो । यस्तै पार्टीको झण्डामा रहेको गाइ चिन्ह हटाउन पनि राप्रपालाई आयोगले भनेको छ । यसबाहेक सम्बद्र्धनवादको परिभाषित गर्न, साधारण सदस्यको योग्यताबारे थप प्रष्ट पार्न, पदाधिकारीको निर्वाचनसम्बन्धी व्यवस्था स्पष्ट पार्न पनि आयोगले निर्देशन दिएको छ ।
००००
निर्वाचन आयोगले राप्रपालाई माघ २ मा यो पत्र काटेपनि शनिबार मात्रै पूर्वअध्यक्ष कमल थापाले सार्वजनिक गरेका हुन् । उनले पत्र प्राप्त भएको लामो समय बित्दा पनि वर्तमान नेतृत्व मौन बसेको भन्दै आलोचना गरेका छन् । उनले आयोगको यो निर्देशन अस्वीकार्य रहेको भन्दै विगतको यस्तै निर्णय आफूहरुले संघर्षबाट उल्ट्याएको स्मरण गरेका छन् । मूल एजेण्डामै ‘प्रहार’ हुने गरी राप्रपालाई आयोगको पत्र आएपछि सो पार्टीमा हलचल पैदा भएको छ । नेता कार्यकर्ता तहमा यसबारे बहस भइरहँदा नेतृत्वले भने मुख खोलिसकेको छैन ।


Advertisment
RMC TANSEN
IME BANK INNEWS
shivam ISLAND

विगतमा आयोगले यसबारे राप्रपालाई पत्र काट्दा सो पार्टीले निर्वाचन आयोग घेराउ गरेको थियो । त्यतिबेला आयोग लचक बन्दै छुट दिएपनि फेरि सोही प्रकृतिको पत्र काटेको हो । यस्तै नेकपा माओवादी केन्द्रको विधानमा उल्लेखित केही शब्दावलीमा पनि आयोगले पत्राचार गरेपछि सो पार्टीले पनि असन्तुष्टि जनाएको थियो ।
००००
लोकान्तर राउण्ड अपमा अब बितेको २४ घण्टाका समाचार संक्षेपमाः
पछिल्लो २४ घण्टामा १० हजार २५४ जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार २० हजार १८७ नमूना परीक्षणमध्ये ८२१२ पीसीआर र २०४२ जनामा एन्टिजेन पोजिटिभ देखिएको हो । यस्तै पछिल्लो २४ घण्टामा संक्रमणबाट १६ जनाको मृत्यु भएको छ ।
००००
विगत २४ घण्टामा  एक लाख ९६ हजार ८५७ जनाले खोप लगाएका छन् । स्वास्थ्य मन्त्रालयले शनिबार यसबारे जानकारी दिएको हो । अहिलेसम्म पहिलो मात्रा एक करोड ६२ लाख ४२ हजार ४५६ जना र पूर्ण मात्रा एक करोड २८ लाख ७० हजार ८६७ जनाले लगाइसकेका छन् । यस्तै कोरोना भाइरसविरुद्धको बुस्टर डोज एक लाख ४२ हजार ५८९ मात्रा लगाइएको छ ।
००००
कानूनविद्हरूले स्थानीय तहको निर्वाचन निर्धारित मितिमा नै हुनुपर्ने बताएका छन् ।
शनिवार काठमाडौंमा आयोजित एक कार्यक्रममा बोल्दै कानूनविद्हरूले सरकारले स्थानीय तहको निर्वाचन संविधानले तोकेको समयसीमामा नै हुनुपर्नेमा जोड दिएका हुन् ।


Advertisment
Nabil box
Kumari

 वरिष्ठ अधिवक्ता डा सुरेन्द्र महतोले स्थानीय तह निर्वाचन ऐन प्रदेश सभाको नक्कल भएकोले त्रुटिपूर्ण रहेको बताए ।
वरिष्ठ अधिवक्ता दिनेश त्रिपाठीले तीन तहको निर्वाचन एउटै चरणमा गर्न व्यवस्थापकीय दृष्टिकोणबाट पनि सम्भव नभएको भन्दै एउटै मितिमा निर्वाचन गर्न नमिल्ने बताए ।
००००
काठमाडौं महानगरपालिकाले कोरोना भाइरस सङ्क्रमण तीव्ररुपमा बढिरहेकाले तत्काल वैकल्पिक माध्यमबाट कक्षा सञ्चालन गर्न विद्यालयलाई निर्देशन दिएको छ । केही निजी विद्यालयले भौतिक उपस्थितिमा नै कक्षा सञ्चालन गरिरहेको गुनासो आएपछि महानगरपालिकाले तत्काल वैकल्पिक माध्यमबाट कक्षा सञ्चालन गर्न निर्देशन दिएको हो ।
००००
हिंसा भड्काउने अभिव्यक्ति दिएर विवादमा परेकी भौतिक पूर्वाधार तथा यातायात मन्त्री रेणु यादवलाई प्रधानमन्त्री शेरबहादुर देउवाले पदमुक्त गर्नुपर्ने सुझाव नेपाली कांग्रेसका महामन्त्री विश्वप्रकाश शर्माले दिएका छन् ।
कोरोना संक्रमण भएर आइसोलेसनमा रहेका महामन्त्री शर्माले सामाजिक सञ्जाल ट्विटरमार्फत धारणा सार्वजनिक गर्दै यस्तो बताएका हुन्।
००००
माओवादी केन्द्रको पूर्व स्थायी कमिटी सदस्यहरुको बैठकले कोरोनाको महामारी कम नभएसम्म जनपरिचालनका कामहरुको जिम्मा पार्टी अध्यक्ष प्रचण्डलाई दिने निर्णय गरेको छ ।
शनिवार पार्टी केन्द्रीय कार्यालय पेरिसडाँडामा बसेको पूर्व स्थायी कमिटी सदस्यहरुको बैठकले सो निर्णय गरेको हो । त्यस्तै बैठकले बाँकी रहेका संगठनात्मक कामहरु टुंग्याउने जिम्मा पनि प्रचण्डलाई दिने निर्णय भएको छ ।
००००
नेकपा माओवादी केन्द्रका नेता पूर्वमन्त्री वर्षमान पुन स्वास्थ्य लाभ गरी माघ १० गते स्वदेश फर्किने भएका छन् । सामाजिक सञ्जाल फेसबूकमा लेख्दै नेता पुनले स्वदेश फर्किन लागेको जनाएका हुन् ।
००००
शनिबारका लागि बोलाइएको भनिएको सर्वदलीय बैठक बस्न सकेन । प्रमुख प्रतिपक्षी दल एमालेले बहिस्कार गर्ने देखिएपछि बैठक नै स्थगित गरिएको बुझिएको छ । प्रधानमन्त्रीको सचिवालयले चाहिँ शनिवार सर्वदलीय बैठक नै नबोलाएको दावी गरेको छ ।
प्रधानमन्त्री देउवाका निजी सचिव भानु देउवाले शनिवार सर्वदलीय बैठक नबोलाइएको बताए ।

Vianet communication
Laxmi Bank
hAMROPATRO BELOW NEWS
TATA Below
कात्तिक १८, २०८०

जाजरकोट केन्द्रबिन्दु भएर गएको शक्तिशाली भूकम्पमा परी कम्तिमा ११९ जनाको मृत्यु भएको छ । जाजरकोट र रुकुम पश्चिमका विभिन्न स्थानमा भूकम्पमा परेर उक्त मानवीय क्षति भएको हो ।  जिल्ला प्रहरी कार्यालय जाजरकोटका ...

कात्तिक १८, २०८०

गएराति गएको भूकम्पले सबैभन्दा बढी जाजरकोटको नलगाड क्षेत्रमा क्षति गरेको छ । नलगाड नगरपालिकामा मात्रै तीन दर्जन बढीको ज्यान गएको जिल्ला प्रशासन कार्यालय जाजरकोटले जनाएको छ । अझै यकिन विवरण आउन बाँकी छ ।  ...

कात्तिक २०, २०८०

जाजरकोट भूकम्पमा ज्यान गुमाउनेमध्ये आधा बढी बालबालिका रहेका छन् । नेपाल प्रहरीले उपलब्ध गराएको तथ्याङ्क अनुसार कात्तिक १७ गते राति गएको भूकम्पबाट मृत्यु भएका १५३ मध्ये ७८ बालबालिका छन् । जाजरक...

कात्तिक २०, २०८०

‘मोबाइल डिभाइस म्यानेजमेन्ट सिस्टम (एमडीएमएस)’ आज (सोमबार)देखि लागू हुने भएको छ । नेपाल दूरसञ्चार प्राधिकरणले पहिलो चरणमा प्रणालीमा दर्ता नभएका केही मोबाइलको नेटवर्क लक गरेर यो प्रणाली कार्यान्वयन...

कात्तिक २१, २०८०

गत शुक्रबार राति गएको भूकम्पले जाजरकोट र रुकुम पश्चिम तहसनहस बनेका छन् । बाक्लो बस्ती रहेका बस्ती भूकम्पले उजाड बनेका छन् । प्रभावित क्षेत्रमा सन्नाटा छाएको छ ।  बाँचेकाहरू शोक र पीडामा छन् ।  ...

कात्तिक १८, २०८०

जाजरकोटको रामीडाँडालाई केन्द्रबिन्दु बनाएर गएराति गएको ६.४ म्याग्निच्यूडको भूकम्पका कारण धनजनको ठूलो क्षति भएको छ । नेपाल प्रहरीले दिएको तथ्यांकअनुसार १२९ जनाको मृत्यु भइसकेको छ भने १४० जना घाइते छन् ।...

अपराजित जनयुद्धको पराजित कथा

अपराजित जनयुद्धको पराजित कथा

चैत १४, २०८०

सामान्यतः मानव समाजको आजसम्मको इतिहास जनयुद्धको इतिहास हो भन्दा फरक पर्दैन । किनकि, समयका प्रत्येक खण्डमा चाहे ती स्पाटाहरू होउन् या चार्टिष्टियन, सिलेसियाली होउन् या कम्युनाडोहरू अनि वोल्सेभिक–भियतकङ्&ndash...

निर्मोही राज्य र युगीन अवतारको प्रतीक्षामा नेपाली समाज

निर्मोही राज्य र युगीन अवतारको प्रतीक्षामा नेपाली समाज

चैत १२, २०८०

रूढिवादी र पछौटे समाजले सधैँभरि अवतारको प्रतीक्षा गर्दछ । प्रतीक्षा गर्नेले आफू केही पनि कर्म गर्दैन र उसलाई पौरखमा त्यति विश्वास पनि हुँदैन ।  सामान्यतया व्यक्तिगत जीवनमा भाग्य र सामाजिक जीवनमा अवतारको प्रत...

सत्यको खोजी

सत्यको खोजी

चैत १०, २०८०

कसैले आएर सत्य भनेको के हो ? भनेर सोध्यो भने हामी अलमलिन्छौँ । कसैले केही भनौँला कसैले केही । अझ कसैले त सत्य भनेको सत्य नै हो भन्न पनि बेर लगाउन्नौँ । तर सत्य त्यो मात्र होइन । सत्य भनेको हामी आफैँ हौँ । सत्य...

x