ओखलढुंगामा आइतवार जीपमाथि ढुंगा खस्दा तीन जनाको मृत्यु भएको छ । तीन जना घाइते भएका छन् । 

मृत्यु हुनेमा सिद्धिचरण नगरपालिका–१ का १० वर्षीय युस कोइराला, ७ वर्षीया युनिसा कोइराला र मानेभञ्ज्याङ गाउँपालिका–१ का ३० वर्षीय हेम मगर रहेको जिल्ला प्रहरी कार्यालय ओखलढुंगाका प्रहरी निरीक्षक उद्धव पोखरेलले जानकारी दिए । 

मानेभञ्ज्याङबाट सदरमुकाम जाँदै गरेको को १ ज ३५६९ नम्बरको जीप सिद्धिचरण नगरपालिका–३ मा दुर्घटना भएको हो । 

स्काभेटरले काम गरिरहेका बेला ढुंगा झरेर जीपमा लागेको प्रहरी निरीक्षण पोखरेलको भनाइ छ । घाइतेको स्थानीय अस्पतालमा उपचार भइरहेको छ ।