मंसिर २४, २०८०
नेपाली कांग्रेसका नेता डा. शेखर कोइरालाले आफ्नो समूहको बैठक बोलाएका छन् । आगामी महासमिति बैठकसहितका विषयमा छलफल गर्न कोइरालाले आगामी मंगलवार समूहको बैठक बोलाएका नेता डा. गोविन्दर...
माघ ९, २०७८
स्थानीय तहको चुनाव वैशाखमै गर्नुपर्ने चौतर्फी दवाबलाई वेवास्ता गर्दै सत्ता गठबन्धनले चुनाव पर सार्ने संकेत गरेको छ । निर्वाचन आयोगले आगामी २०७९ वैशाख १४ र २२ गतेका लागि चुनाव गर्न प्रस्ताव गर्दै सरकारसँग मिति घोषणाको लागि आग्रह गरेको थियो । वैशाखको चुनाव सार्नेबारे औपचारिक निर्णय नभएपनि सो मितिमा चुनाव हुन नसक्ने आफूहरुको निष्कर्ष रहेको बैठकमा सहभागि एक नेताले बताए ।
स्थानीय तहको कार्यकालबारे संविधान र कानूनमा देखिएको छिद्रलाई देखाएर गठबन्धनले चुनाव पर सार्ने तयारी गरेको हो । गठबन्धनले तीन चरणमा भएको चुनावबाट गठित पालिकाको कार्यकाल पूरा भएपछि चुनाव गर्ने योजना बनाएको स्रोतको दावी छ । अब गठबन्धनले प्रतिनिधि सभा, प्रदेश सभा र स्थानीय तहको चुनाव एकैपटक गर्न प्रस्ताव गर्ने नेताहरुले बताएका छन् ।
चुनावको मिति घोषणा गर्नुपर्नेमा गठबन्धनले संविधानसँग बाझिएका कानून संशोधन गर्ने तयारी गरेको छ । आइतवार प्रधानमन्त्री निवास बालुवाटारमा भएको छलफलमा कांग्रेस, माओवादी केन्द्र र नेकपा एस निकटकानुनविद्हरुले स्थानीय तहको निर्वाचनबारे संविधानसँग बाझिएका सबै कानुन संशोधन गर्न सत्तारुढ दलहरुलाई सुझाव दिएका संचारमन्त्री ज्ञानेन्द्र बहादुर कार्कीले जानकारी दिए ।
‘स्थानीय तहको निर्वाचन ऐन २०७३ को दफा ३ र संविधानको धारा २२५ बाझिएको देखिएकाले संविधानको धारा १ अनुसार यस संविधानसँग बाझिएको कानुन बाझिएको हदसम्म अमान्य हुनेछ । भन्ने व्यवस्था भएकाले सो अनुसार कानुन संशोधन गर्नुपर्ने सुझाव प्राप्त भएको छ’ कार्कीले भने ।
प्रमुख प्रतिपक्षी दल नेकपा एमालेले गठबन्धनले स्थानीय तहको चुनाव पर धकेल्न खोजेको आरोप लगाउँदै आएको थियो । एमालेको आरोपलाई बल पुग्नेगरी गठबन्धनले वैशाखमा गर्नुपर्ने चुनावलाई पर धकेल्ने गृहकार्य गरेको हो ।
बैठकमा सहभागि एक नेताले अहिले बाहाल पदाधिकारीलाई कायम राखेर गरिने चुनाव निश्पक्ष नहुने भएकोले रिक्त बनाएर मात्र चुनाव गर्नुपर्नेमा गठबन्धनमा सहमति भएको दावी गरे । ‘अहिलेका पदाधिकारीलाइ कायमै राखेर चुनाव गर्दा चुनाव प्रभावित हुन्छ भन्ने हाम्रो बुझाइ छ । केही समय रिक्त राखेर चुनाव गर्दा आकाश खस्दैन’ गठबन्धनको रणनीतिबारे ती नेताले लोकान्तरसँग भने ।
जनता समाजवादी पार्टीका नेता एवं पूर्वप्रधानमन्त्री डा. बावुराम भट्टराईले तीन चरणमा सम्पन्न चुनावबाट गठन भएका पालिकाले कार्यकाल पूरा गरेपछि चुनाव गर्नेबारे गठबन्धनमा सर्वसम्मती भएको दावी सामाजिक सञ्जाल ट्वीटरमार्फत गरेका छन् ।
‘संविधानसंग बाझिएका कानूनमा सुधार गरेर स्थानीय तहका तीन चरणको चुनावबाट गठित पालिकाहरूको कार्यकाल पूरा हुनासाथ संविधान बमोजिम नयाँ चुनाव गराउने गठबन्धनमा सर्वसम्मत सहमति भएको छ । आफ्नो आंगको भैंसी नदेख्नेहरूले अरूको आंगको जुम्रा देखाएर जनतामा भ्रम नछरुन्’ भट्टराइले लेखेका छन् ।
गठबन्धनले २०७४ असोज २ गते सम्पन्न निर्वाचनलाई आधार मानेर स्थानीय तहको पदावधि गणना गर्नुपर्ने दलिल गर्न थालेको छ । पुस ३० गते आयोजना गरिएको सर्वदलीय बैठकमा निर्वाचन आयोगले २०७४ वैशाख ३१ गते सम्पन्न निर्वाचनलाई आधार बनाएर कार्यकाल निर्धारण गरिएको जानकारी गराएको थियो ।
संविधानविद्हरुले स्थानीय तहका पदाधिकारीको कार्यकाल २०७९ जेठ ५ गते सकिने भएकोले त्यस अगावै चुनाव गर्नुपर्ने बताउँदै आएका छन् । वैशाखमा निर्वाचन गर्नको लागि आयोगले माघ पहिलो साताभित्र चुनावको मिति घोषणा गर्नुपर्ने बताएको थियो ।
सामान्य अवस्थामा चुनाव गर्नको लागि १२० दिनको समय आवस्यक पर्ने भएपनि आयोगले १०० दिनमा पनि चुनाव गर्न सकिने प्रस्ताव सर्वदलीय बैठक र सरकारसंग राखेको थियो । शुक्रवार राष्ट्रका नाममा सम्वोधन गर्दै प्रधानमन्त्री शेरबहादुर देउवाले एक वर्षभित्र तीन तहको चुनाव गर्ने प्रतिबद्धता जनाएपनि स्थानीय तहको निर्वाचन कहिले गर्ने भन्नेबारे मौन बसेका थिए ।
गठबन्धनले चुनावको मिति पर धकेल्ने गृहकार्य गरेपनि कांग्रेस भित्र स्थानीय तहको चुनाव समयमै गर्नुपर्ने आवाज जोडदार रुपले उठेको छ । उपसभापति धनराज गुरुङ, महामन्त्री गगन थापा लगायत नेताहरुले स्थानीय तहको चुनाव सार्न नमिल्ने बताउँदै आएका छन् ।
नेपाली कांग्रेसका नेता डा. शेखर कोइरालाले आफ्नो समूहको बैठक बोलाएका छन् । आगामी महासमिति बैठकसहितका विषयमा छलफल गर्न कोइरालाले आगामी मंगलवार समूहको बैठक बोलाएका नेता डा. गोविन्दर...
दशैं वरिपरि मुलुकमा केही राजनीतिक परिदृश्यहरू देखिए । दशैंको रौनकसँगै पूर्वमा कोशीको छालले केही तरंग ल्यायो । कोशी प्रदेशमा कांग्रेसभित्रको ‘अर्ध विद्रोह’ले पाँच दलीय गठबन्धनमात्रै धर्मराएन, कांग्र...
नेकपा (एकीकृत समाजवादी)का अध्यक्ष माधवकुमार नेपालले कोशी प्रदेशमा सर्वदलीय सरकारको आवश्यकता रहेको बताएका छन् । विराटनगर विमानस्थलमा शनिवार सञ्चारकर्मीहरूसँग कुराकानी गर्दै पूर्वप्रधानमन्त्रीसमेत रहेका न...
नेपाली कांग्रेसका केन्द्रीय सदस्य तथा सांसद डा. चन्द्र भण्डारीले पार्टी सभापति शेरबहादुर देउवाले अब नेतृत्व छाड्नुपर्ने बताएका छन् । पार्टीको लुम्बिनी प्रदेश सम्मेलनमा शनिवार बोल्दै भण्डारीले देउवाले अब...
जसपाबाट उपराष्ट्रपतिमा रामसहाय यादवको उम्मेदवारी कायम भएको छ। सत्ता गठबनधनको तर्फबाट उपराष्ट्रपतिको उम्मेदवार बनाइएका जसपा नेता रामसहाय प्रसाद यादवको उम्मेदवारी निर्वाचन आयोगले कायमै राख्ने ...
मोहन वैद्यले नेतृत्व गरेको नेकपा (माओवादी क्रान्तिकारी)ले गरेको लालमार्च तथा सभामा कुर्सी हानाहान भएको छ । क्रान्तिकारीले १३१ औं माओ दिवसका अवसरमा काठमाडौंको शान्ति वाटिकामा गरेको मार्चपासमा कुर्सी हानाहान...
हामी १५औं अन्त्य गरेर १६औं योजनाको तयारीमा जाँदै छौं । दलका शीर्ष नेताबीच १६औं योजनाको विषयमा छलफल भएको छ । १५औं योजनाको असफलता र नमिलेका कुरालाई १६औं मा सुधार्छौं । हाम्रो गन्तव्य कहाँ हो भन्ने संविधानले ...
सच्चा लोकतन्त्रमा सिमान्तमा रहेको नागरिकले पनि यो देश मेरो हो भन्ने अनुभूति गर्न सक्नेछ- माहात्मा गान्धी । माथि गान्धीको भनाइ किन उद्धृत गरिएको हो भने नयाँ वर्षको आगमन भैसकेको छ र २०८० को बिदाइ बडो हर्षपूर्वक...
एक दिन काम विशेषले नयाँ सडकतिर गएको थिएँ, मोबाइल टिङटिङ गर्यो । हेरेँ पुराना मित्र जयदेव भट्टराई, सम्पादक मधुपर्क (हाल अवकाश प्राप्त) ले सम्झेका रहेछन् । हामी दुई लामो समयसम्म सँगै रह्यौँ, कहिले गोरखापत्र...