भ्रमण  भिसामा  संयुक्त अरब  इमिरेटस्  (यूएई)  पुगी  अलपत्र  परेका  युवाले उद्धारका लागि सरकारसँग माग गरेका छन् । 

झन्डै  एक  वर्षअघि  भ्रमण  भिसामा  यूएई पुगेका  युवाले  रोजगारी  त  परैको  कुरा  खानसमेत नपाउने  अवस्था  भएपछि  सामाजिक  सञ्जालमार्फत सरकारसँग उद्धारका लागि हारगुहार गरेका हुन् ।

मासिक डेढ लाख रुपियाँसम्म कमाइ हुने भन्दै त्रिनेत्र  नामक  कन्सल्टेन्सीले  भ्रमण  भिसामा  यूएईमा बोलाएर  अलपत्र  पारेका  युवाले  आफूहरू  सक्दो छिटो  स्वदेश  फर्कने  वातावरण  बनाइदिन  आग्रह गरेका  हुन् ।  

सो  कन्सलटेन्सीमार्फत  एक  वर्षअघि यूएई  पुगेका  सलमान  तामाङले  आफूहरूलाई  भ्रमण भिसामा  बोलाएर  न  काम  न  मामको  अवस्थामा पुर्‍याएको  बताए । गोरखापत्र दैनिकमा खबर छ ।