प्राचीन  मिथिलाको  राजधानी  एवं  वर्तमान  मधेस  प्रदेशको  राजधानी  जनकपुरधाम  मैथिली  सभ्यताको  केन्द्रबिन्दुका  रूपमा  रहेको  छ  ।

 धार्मिक  आस्था  र  विश्वासले  भरिपूर्ण यस क्षेत्रमा विभिन्न मठमन्दिर र पोखरी रहेका छन् ।

बर्सेनि  यस  क्षेत्रका  पोखरीमा  स्नानका  लागि  लाखौँ  धार्मिक  पर्यटक  आउने  गर्छन्  ।  

यहाँको  अर्को  परिचय  'बावन  कुटी  बहत्तर  कुण्ड’ अर्थात् ५२ मठमन्दिर र ७२ पोखरी हो ।

जनकपुर  उपमहानगरपालिका  क्षेत्रभित्र  पौराणिक  र आधुनिक गरी सार्वजनिक पोखरीहरू विद्यमान छन्  भने  केही  पोखरी  लोप  भइसकेको  यहाँका  अगुवा बताउँछन् ।

बृहत्तर     जनकपुर     विकास     क्षेत्र     परिषद्को  २०६२  को  प्रतिवेदनअनुसार  जनक  सरोवर,  अमृत  कुण्ड,  गोपाल  सर,  यसस्विनी  सर र बलदेव सर लुप्त भएका पोखरीहरू हुन् । जनकपुरमा  वर्षौंदेखि  आन्तरिक  तथा  बाह्य  श्रद्धालु  भक्तजन  पोखरीमा  स्नान  र  मठमन्दिरमा  दर्शनका लागि आउने गर्छन् । यस स्थानको जल र माटोलाई पवित्र मान्ने गरिन्छ । गोरखापत्र दैनिकमा लक्ष्मी चौधरीले खबर लेखेकी छन् ।