मोरङमा उखुबारीमा गाडेको अवस्थामा भेटिएका दुई पुरुष शवमध्ये एकको पहिचान खुलेको छ ।

दोस्रो खाल्डोमा भेटिएको शवमा पर्स भित्र ४९ बर्षका धरान ३ का राजेन्द्र श्रेष्ठको नाम उल्लेख गरिएको सवारी चालक अनुमति पत्र पाइएको मोरङ प्रहरीले जनाइएको छ ।

त्यो लाइसेन्स भएको शव पहिचानका लागि उनको परिवार खोज्ने तथा बुझ्ने काम भइरहेको मोरङ प्रहरी प्रवक्ता दिपक श्रेष्ठले बताए ।

उनका अनुसार पहिलो खाल्डोमा भेटिएका पुरुषको भने पहिचान हुन सकेको छैन ।

शव कसको हो भनेर चिन्ने अबस्थामा नरहेको प्रवक्ता  श्रेष्ठले बताए ।

हत्यापछि ल्याएर शव गाडेको हुन सक्ने प्रहरीको अनुमान रहेको छ । धनपालथान गाउँपालिका–७ कमलपुरमा उखुबारीभित्र दुई जना पुरुषको शब भेटिएको हो ।

५ फिट गहिरो खाल्डोमा दुई पुरुषको शब भेटिएको हो । उखु काट्न गएका किसानले बारीमा खाल्डो देखेपछि प्रहरीलाई खबर गरेका थिए ।

प्रहरीले हिजो एक जनाको शब निकालेको थियो भने आज थप एक जनाको शव निकालेको छ ।

खाल्डो खनेर कपडासहित गाडेको अवस्थामा फेला परेको पुरुष शवको पहिचान भने भइनसकेको प्रहरीले जनाएको छ ।