×

X
Dabur
Nic Asia
Marvel

पूर्व जानेहरूले सप्तरीको बरमझियाको पेडा बजारमा गाडी नरोकी चित्त नै बुझ्दैन । यहाँको पेडा देशभर प्रसिद्ध छ । 

IME BANK INNEWS
morang Auto yamaha

बैजनाथ बाजेले शुरू गरेको पेडाको व्यवसाय अहिले सयौंले नक्कल गरेर पेडा दोकान खोलेका छन् र सबै चलेका पनि छन् । 


Advertisment
NMB BANK
RMC TANSEN
Saurya island

सबैले सक्कली भनेर बेचेका हुन्छन् तर यसका संस्थापक बैजनाथ साह भने बितिसके । 

साहले ५० वर्ष पहिला खोलेको बाजेको पेडा अहिले छोराले चलाइरहेका छन् । उनको पसल चलेपछि सबैले हुबहुँ नाम राखेर बरमझियालाई नै पेडा बजार बनाएर प्रसिद्ध तुल्याए ।

Vianet communication
Maruti inside

प्रायः सबैजसोको पेडा दोकानको बोर्डमा बैजनाथ, पुरानो, सक्कली, बाजेको लेखेको हुनाले ग्राहक झुक्किन्छन् । जुन पसलमा गए पनि सक्कली यही हो भनेर व्यापार गरेका छन् । सबैको आम्दानी राम्रो छ, गाडीको सिजनमा त भ्याइँ–नभ्याइँ हुन्छ । 

कुनै चाडबाडमा सबैको व्यापार चम्केको हुन्छ । जति माल बनाए पनि साँझ खाली हुने स्थिति हुन्छ । हरेक वर्ष पसल पनि थपिँदै गएका छन् र ग्राहक पनि त्यही अनुपातमा आउँछन् । अहिले बरमझियामा सयको हाराहारीमा पेडा दोकान चलेका छन् ।

बरमझिया कसरी प्रसिद्ध भयो पेडाका लागि ?

सप्तरीको बरमझियामा गाईभैंसी निकै पाल्ने चलन धेरै पहिलादेखि चलेको पेशा हो । गाईंभैसीको दूधलाई सदुपयोग गर्ने हेतुले ५० वर्ष पहिला बैजनाथ साहले पेडा पसल खोलेका थिए । उनले खोलेको पेडा पसलले बिस्तारै प्रसिद्धि कमाउन थालेपछि आसपासका सबैले खोल्न पेडा पसल थालेर बजार विस्तार हुँदै गयो । सबैको दोकान चलेको देखेर झन् पेडाकै दोकान थपिँदै गएर अन्ततः पेडा बजार हुँदै गयो । 

अहिले सयभन्दा धेरै पेडा पसल छन् । दिनानुदिन नयाँ खोलिने क्रम पनि बढ्दै गएको छ । बैजनाथ साहको पेडा पसल निकै लोकप्रिय हुँदै गर्दा अरुले पनि बैजनाथको नाम नजोडी पसल नचल्ने भएपछि कतै न कतै उनको नाम जोडेर सबैले पसलको नाम राखेर ग्राहक पनि झुक्किए तापनि भीडभाडका कारण कुनै एक पसलबाट किनिहाल्छन् । जुन पसलेलाई सोधे पनि यही असली हो भन्ने गर्छन् ।

प्रायः सबै पसलेको पेडा बनाउने तरिका परम्परागत नै छ र अन्य स्थानभन्दा भिन्न छ । अन्य स्थानको पेडा निक्खर सेतो हुन्छ भने बरमझियाको पेडा भने निक्खर खैरो हुन्छ ।

यहाँ दैनिक २५ हजार लिटर दूध खपत हुन्छ र सयौंले रोजगारी पनि पाएका छन् । हरेक पसलमा सरदर औसतमा १० हजारको दैनिक व्यापार हुँदा मासिक १० लाख रुपैयाँको पेडा बिक्री हुन्छ । यसरी १० लाख रुपैयाँको दैनिक व्यापार गर्न राजधानीमा पनि करोडौंको लगानी गर्नुपर्छ ।

बरमझियाको पेडा कसरी बनाइन्छ ?

पेडा बनाउन धेरै सामग्रीको जरुरत पर्दैन । मात्र यसमा मेहनत जरुरी हुन्छ । पेडा बनाउन दूध र चिनी या सख्खर भए पुग्छ । भैंसीको दूधको खुवा धेरै बन्छ र खान धेरै स्वादिष्ट पनि हुन्छ । किनकि भैंसीको दूध गाईको दूधको तुलनामा धेरै बाक्लो हुन्छ । भैंसीको दूधमा चिल्लो पदार्थ पनि ज्यादा हुन्छ । बरमझियामा खुवा बनाउँदा परम्परागत शैलीमा मौलिक तरिकाबाट दाउराको आगोमा बाक्लो ठूलो कराइमा दूध उमालेर घटाइन्छ र बाक्लो बनाइन्छ ।

दूधलाई ३–५ घण्टासम्म निरन्तर रूपमा लामो दाबिलोले चलाइरहनुपर्छ । बीचमा चलाउन छाडेमा कराइको पिँधमा डढेर पूरै दूध गन्हाउँछ र फ्याक्नुपर्ने हुन्छ । तसर्थ दूधलाई १ जनाले चलाउन छाड्नु हुँदैन । दूध घटेर हल्का दहीजस्तो बाक्लो हुनासाथ चिनी या सख्खर हालेर चिसो हुन दियो भने यो रबडी बन्छ, जुन पश्चिमको नेपालगञ्जमा एक प्रख्यात मिठाइको रूपमा प्रसिद्ध छ तर पेडा बनाउन अझै घोटेर सानो आँचमा पकाउनुपर्छ र साह्रो हुन दिनुपर्छ ।

अब पनि यसरी घोटीघोटी पकाइरहँदा रबडीको कलर परिवर्तन हुँदै जान्छ र साह्रो पनि । हल्का ढिडोजस्तो साह्रो हुँदा यो खैरो बन्छ र यसलाई केही चिसो बनाएर पेडाको साइज दिन थालिन्छ ।

अब आफ्नो पसलको नाम राखेर छापेको मिठाइको डब्बामा पेडा मिलाएर राखिन्छ र ग्राहकलाई बेच्न तयार गरिन्छ । पानी नपारिकन चिस्यानमा राख्न सकियो भने यो पेडा महिना दिनसम्म पनि केही हुँदैन ।

बरमझियाको पेडाले प्रसिद्धि कमाउँदै जाँदा कतिले त पेडा बनाउने मशिन ल्याएर विभिन्न आकारमा पनि बनाउन थालेका छन् । यहाँको पेडाले व्यावसायिक रूप लिन थालेपछि व्यवसायीहरू पेडाको ब्राण्ड बनाउने सोचमा लागेका छन् । 

चिनी खान नमिल्नेका लागि सुगर फ्री पेडा पनि बन्न थालेका कारण यो पुरानो बाजेको पेडा दिनानुदिन सबै वर्गबीच लोकप्रियता बढ्दै गएको छ ।

TATA Below
NLIC
असार ३२, २०७९

खुर्सानी भन्नासाथ सबैको मुखमा पानी ओइरिन थाल्छ । हुन पनि चिज नै त्यस्तो ! खुर्सानी विनाको कुनै पनि परिकार बेस्वादे लाग्छ । अझ नेपालीका लागि त खुर्सानी विना सोच्न पनि गाह्रो हुन्छ । डल्ले खुर्सानी, जिरे खुर्सान...

असार २५, २०७९

सातु नेपालीहरूको धेरै पुरानो र मौलिक परिकार हो । सातु बिहानको खाजा मानिने भए तापनि पछिल्लो समय यसलाई बिहान, दिउँसो, साँझ कुनै पनि समय खान थालिएको छ । कुनै समय सातु भनेर हेप्ने यो परिकार अति स्वास्थ्य...

साउन ७, २०७९

सुरेन्द्र नेपाल श्रेष्ठ एउटा अचानो र चुलेसीले चलेको चुल्हो देखेका हामी गाउँले नेपाली २५ वर्ष अगाडि बेलायत आएपछि रंगरंगका चप बोर्ड र चक्कु देख्दा अचम्म नलाग्ने कुरा नै भएन । मासु होस् वा माछा, सागपात हो...

असार १८, २०७९

अहिले आँपको सिजन छ । सबैलाई आँप खुब मन पर्ने फल हो । सिजनको आँप त्यसैपनि खुब स्वादिष्ट हुन्छ । आप एक फलको रूपमा मात्र नखाई धेरै परिकार बनाएर खान सकिन्छ । पौराणिक हिसाबमा हेर्ने हो भने आँपको पात पनि एक प...

साउन १०, २०७९

साकार कोइराला नेपालमा हाल ८ वटा विश्वविद्यालयअन्तर्गत १६ वटा कलेज तथा क्याम्पसहरूले कानूनमा स्नातक तह (B.A.LL.B) र काठमाडौं विश्वविद्यालयले (BEc.LL.B and BBM.LL.B) अध्यापन गराउँदै आएका  छन् । ...

साउन २१, २०७९

सवितुः पत्रकारले प्रत्यक्ष देखेर तथ्यांक, विवरण संकलन गरेको स्थितिबाहेक समाचारमा प्रयोग भएका हरेक सूचनाका लागि विश्वासिलो स्रोतको उल्लेख गर्नैपर्छ । अपवादको अवस्थाबाहेक ‘नाम नखुलाउने शर्तमा’ ...

३०० वर्षको इतिहासमा बेलायतका ५७ प्रधानमन्त्री– वालपोलदेखि जोनसनसम्म

३०० वर्षको इतिहासमा बेलायतका ५७ प्रधानमन्त्री– वालपोलदेखि जोनसनसम्म

साउन २६, २०७९

बेलायतको आधुनिक राजनीतिक इतिहासमा धेरै नेताहरू लामो समयसम्म प्रधानमन्त्री वा पार्टीको नेता भएको देखिँदैन । सत्तापक्ष मात्रै होइन, कुनै पनि पार्टीको प्रमुखबाट एकपटक हटेपछि वा असफल भएपछि पुनः त्यहीँ पदका लागि उ...

अत्यावश्यक ६ सुधार जसले न्यूनीकरण गर्नसक्छ सहकारीमा व्याप्त विकृति

अत्यावश्यक ६ सुधार जसले न्यूनीकरण गर्नसक्छ सहकारीमा व्याप्त विकृति

साउन २३, २०७९

नेपालको आर्थिक विकासमा सार्वजनिक, निजी र सहकारी ३ खम्बे नीतिलाई अवलम्बन गरिएको छ । संविधानमा समाजवादको परिकल्पनासहित सार्वजनिक, निजी र सहकारी क्षेत्रको प्रवर्द्धन गरी तीब्र दीगो आर्थिक विकासको मार्गनिर्देशन भएको ...

'कुकुर्नी कमिनीको बकपत्र'

'कुकुर्नी कमिनीको बकपत्र'

साउन २२, २०७९

थुक्क कुकुर्नी भनेर कडा स्वभावका आमाहरूले आफ्ना छोरीलाई गाली गर्दा 'त्यसो नभन्नु न यार' भनेर मैले धेरैपटक खिन्नता प्रकट गरेको छु । तर, मलाई पनि आमाले यदाकदा कुकुर भनेर सम्बोधन गर्नुभएको छ । धन्न पण्डित ...

ad
x