नेपाली कांग्रेसको बाराको जिल्ला उपसभापतिमा मनोजकुमार भट्ट र जिल्ला सचिवमा राजेशकुमार रौनियार विजयी भएका छन् । 

जिल्ला सभापतिमा यसअघि नै राजेशराय यादव निर्वाचित भइसकेका छन् । उनी दोस्रो चरणको निर्वाचनबाट सभापतिमा निर्वाचित भएका हुन् ।
 
उपसभापति र सचिवमा शेखर कोइराला पक्षका नेताहरू निर्वाचित भएका हुन् ।

सभापतिमा भने शेखर समूहले रामानन्द यादवलाई उम्मेदवार बनाएको थियो तर दोस्रो चरणको निर्वाचनमा शेखर समूहले राजेशराय यादवलाई सहयोग गरेको थियो । जिल्ला सभापतिमा उनै राजेशराय यादव विजयी भएका छन् । 

उपसभापति र सचिव पदको मतगणना सम्पन्न भएपछि निर्वाचन समितिले उपसभापतिमा भट्ट र सचिवमा रौनियार विजयी भएको घोषणा गरेको हो ।