गुल्मीको रेसुङ्गा नगरपालिकामा नेकपा एमालेले राजेन्द्रप्रसाद पाण्डेयलाई मेयरको उम्मेदवार बनाउन  सिफारिस गरेको छ । मंगलवार तम्घासमा बसेको एमाले रेसुङ्गा नगर कमिटीको बैठकले सर्वसम्मत रुपमा पाण्डेयलाई नगर प्रमुखको उम्मेदवार बनाउन सिफारिस गरेको नगर कमिटी अध्यक्ष हरिप्रसाद पोखरेलले बताए ।

२०३५ सालमा बिद्यार्थी राजनीति गरेका पाण्डेय नेकपा एमाले गुल्मी जिल्ला कमिटी सदस्य हुन् । निजामति कर्मचारी संगठनको केन्द्रिय प्रतिनिधि रहेका पाण्डेय इन्जिनियर हुन् । रेसुङ्गा नगरपालिकामा २०७४ सालको स्थानीय तह निर्वाचनमा एमालेले नगरप्रमुख र उपप्रमुख जितेको थियो ।

रेसुङ्गा नगरमा अन्य पार्टीले भने उम्मेदवार छनोट गरेका छैनन् । मुसिकोट नगरपालिकामा एमालेले यसअघि नै जीवन खरेललाई नगर प्रमुखको उम्मेदवारमा सिफारिस गरिसकेको छ । मुसिकोट नगरमा  पनि  एमालेले नगर प्रमुख र  उपप्रमुख जितेको थियो ।